Matyu 2:13 - Aria New Testament

¹³ Osep ka tile omur ke wan bitna bitna kla kodong e Josep munu kudung ano e Ida Tapolngon ila ensel gesa polou ke iye. Ensel polou e wai ke iye langane. “Emtipa e ampaur mimi e tna e umoulou ke omur Isip. E umodong ine la lama ngawai ke wom blang. Kesua ma Herot krim ke mimi ma iye due burwa ine.”

Matyu 2:13 ပူးပေါင်းရင်းမြစ်များ

Matyu 1:20

E Josep aitno dau mter ine e iye munu kudung ano e Ida Tapolngon ila ensel polou ke iye e wai langane. “Josep wom ka Devit ila napakngan omulou ma emgi Maria kovok. Aurou. Kesua iye somugu batne ke Ano Itau.

Matyu 10:23

Langka osep tidue agegeng ke umu ke armok kene deka umala umosuong ke armok silang. Ngawai dagar ke umu langane. Ma umala ke armok keniye ka tidong ke omur Israel dau kovok e Gute Ka Polou Langka Osep ma polou.”

Matyu 2:12

Mase timunu kudung e timunu ansak. Timunu ansak e Ida Tapolngon nis isak ma tiding ke Herot kovok. Alo ka titipa tisongon omur are e tiding ke urok omur ke ekreng silang.

Matyu 2:14

Josep klingen ke iye deka lama dau epmes iye tipa e paur mimi e tna isak kla ke omur Isip.

Matyu 2:16

Alo ka Herot ile osep ka tile omur ke wan bitna bitna tiyak iye aitno nevlik omba lokono. Aitno nevlik e iye pagei osep ola ina ke Betleham e ke armok armok ka lelei Betleham ma tidue burwa ke agau arang ka inarak tobor orwo e duru. Iye due langane kesua iye pmi osep ka tile omur ke wan bitna bitna lesen gigimo polou. E iye waiki due burwa ke mimi arang ka titnarak tidivir isak batne ke alo ka osep tonari tivati gigimo polou.

Matyu 2:22

Alo ka tiding ke omur Israel Josep klingen gute Arkelaus kasip timla Herot amune e vri mgo ke omur Judia. E Josep lim ke iye e waiki la ke omur tonari kovok. Iye munu kudung ano e Ida Tapolngon wai ke iye deka iye la ke omur Galili.

Aposel 10:22

Deka tipalongo Pita ila langane. “Gute Kornilius pagei imi ke wom. Iye gute ka plau osep ola ina buno kene. Ila elio isuk isuk itau e iye due anit ke Ida Tapolngon. Osep Yuda ina ka pula keniye tidue anit ke iye. Ida Tapolngon ila ensel ka itau lokono polou ke Kornilius deka iye wai langane. ‘Ampagei osep leklou ma isak kla tipolou ke gute Pita e tiwai ke Pita ma iye gosok isak tibauluk ke lem ninu ane. Deka emklingen pelengon ka Pita ma kare ke wom.’”

Aposel 10:7

Ensel wai ke Kornilius yagos deka iye songon iye la. Deka Kornilius gi osep arang orwo ka ila osep bokongon ina e gute ola ina kene ka aitno la ke Ida Tapolngon ke osep ola ina ka aling aling tididi iye deka time ke iye.

Aposel 12:11

Pita dau vri deka iye ile omur ine e wai langane. “Ngaile lokono Ngau Puda pagei ila ensel gesa me e lua ngong. Iye lua ngong kesua oklou ka me Herot gosok osep Yuda ina tiwaiki ngapolou ke amtarsak ma tidue elio soulu ke ngong.”

Aposel 12:7

Deka lokono Ida Puda ila ensel gesa polou ke kalabus aitno e bublongon bublo sepe. Deka ensel tonari mluk Pita galna deka pane iye e wai langane. “Pita omsuong emtito.” Deka lokono sen orwo ka tipou limla ine tinosluk tiduru.

Aposel 16:36

Deka iye wai ke Pol langane. “Osep ka tiplau armok ane tiwai ke ngong ma ngasongon wom e Sailas deka ngasongon umorwo umala e umodong itau.”

Aposel 5:19

Tidong ine la lama epmes deka Ida Puda pagei ila ensel gesa polou ke isak. E ensel polou ke kalabus e klok kalabus ina ekreng bitna e paur isak tipolou ke dogur. Tipolou ke dogur kodong deka ensel wai ke isak langane.

Aposel 7:19

Deka iye yak udo osua e due agegeng ka opru isak. Iye wai dagar ke isak langane. ‘Umodue lumu keke timunu ke dogur e umapani isak kovok.’ Iye wai dagar langane kesua iye waiki isak keniye timete.”

Pelengon kukwopngon 12:14

Deka tikar apmang pena orwo langka bogi ombatno pena ma iye kei la ke omur ka dong adai vala e ke omur tonari tikere iye itau la lama iding ke tobor eklu emkil mela yagos e mota karanga due apmang kovok.

Pelengon kukwopngon 12:4

E ngavati mota tonari uri gitno e gitno dar gigimo leklou ke sirva e uri isak tiduru kla ke taklak. Langka tiwade gigimo ke omur eklu deka gitno dar gigimo ka tidong ke omur kene tiduru ke taklak. E mota vri ke apmang ka isuk boto divir mimi bitna e iye para ke alo ka apmang ma divir mimi. Kesua iye waiki ngen mimi tonari.

Pelengon kukwopngon 12:6

Deka apmang tonari ulou la ke omur ka dong adai vala. Ke omur tonari Ida Tapolngon rere amune ka iye karanga dong ine e tikere iye itau la lama iding ke oklou 1,260 mela yagos.