Matyu 2:11 - Aria New Testament

¹¹ E tisep ke ninu e tivati mimi tonari kap tna Maria. Tivati mimi deka tigrum kamsak e tilotuim iye. E tiklok urok brokngon e tikar iye wan ka gol e akai olune ka amna itau ka ina klingen omba e paura ka amna itau blang.

Matyu 2:11 ပူးပေါင်းရင်းမြစ်များ

Matyu 1:18

Yesus Krais ina divirngen ina basikngen langane. Osep tiwai ma tna Maria e Josep tigi. Tigi dau kovok e osep tiklingen Maria somugu kodong. E Ano Itau due Maria somugu.

Matyu 12:46

Yesus dau wai ke osep pula pula deka tna e ina saiver tipolou e tivri ke ninu dogur kesua tiwaiki tiwai ke Yesus.

Matyu 14:33

E osep ka tidong ke bot tilotuim iye e tiwai langane. “Lokono wom Ida Tapolngon Otno Arang.”

Matyu 2:10

Alo ka tivati gigimo mana ke sirva aitno lisak neser omba lokono ine.

Matyu 2:2

“Mimi oku ka ma vri mgo ke osep Yuda ina dong ge? Kesua imavati gigimo ka nisngen ke iye polou ke limem omur e imeme ma imolotuim iye.”

Luk 2:16

Deka isak kla suong e tipado Maria e Josep e mimi ka munu ke ongwa aim inarak ngangon ina karoro.

Luk 2:38

Ke alo ari iye polou ke isak e wai itau ke Ida Tapolngon ke mimi. E wai ke isak ma mimi tonari lua osep Jerusalem ina ka tipara ke alo ka Ida Tapolngon lua isak ke urok elio epmes ina.

Jon 19:39

E Nikodemus ka oglou iye la wai ke Yesus ke epmes me blang e paur wan ka amna itau ka osep tidue ke akai kain orwo olune ka ina anit langka 30 kilogram.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”

Pelengon kukwopngon 5:8

Iye due buk kodong deka wan apanal ka tidong langka ansak dong ke isak e osep namormor isorwo apanal tigrum kamsak olwo boto ke Sipsip Otno. E osep namormor tonari isak kensak kensak tikis wan langka gita e dis ka gol deka wan asuine ka amna itau polou ke dis tonari. E asuine tonari Ida Tapolngon ila osep urok pmingen itau.