Matyu 19:28 - Aria New Testament

²⁸ E Yesus wai ke isak langane. “Ngawai lokono ke umu. Mase Gute Ka Polou Langka Osep ma dong ke ila kova ka itau lokono alo ka Ida Tapolngon due wan ka pula keniye tipolou oku. E umu songotno orwo ka umedidi ngong ma umodong ke kova songotno orwo e umaplau osua songotno orwo ke osep Israel ina.

Matyu 19:28 ပူးပေါင်းရင်းမြစ်များ

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Matyu 19:27

Deka Pita wai langane. “Io imosongon wan ka pula keniye ma imedidi wom. Lange ma Ida Tapolngon koli batne ke imi?”

Matyu 20:21

E Yesus wai ke iye langane. “Amwaiki empmi ngong ke wansua?” E iye wai ke Yesus langane. “Alo ka omo e emvri mgo ke omur ka pula keniye ngawaiki amwai ma erigu arang orwo tidong kap wom. Ngawaiki kene dong ke galna lugom odung e kene dong ke galna lugom gala.”

Matyu 25:31

“Alo ka Gute Ka Polou Langka Osep iding me ke ila bublongon iye ma me kap ila ensel keniye. Deka ma iye dong ke ila kova ka itau lokono.

Matyu 6:33

E wan ane mgo ke wan ka pula keniye. Umosongon Ida Tapolngon vri mgo ke umu e umodue elio ka itau e osuk ke bitna. E ma iye kar wan bitna bitna tonari ke umu blang.

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Mak 10:37

Deka tikoli tiwai langane. “Mase alo ka emvri mgo ke osep ka pula keniye imawaiki ma omsongon imi ma gute kene dong ke livep odung e gute silang dong ke livep gala.”

Aposel 3:21

Eknikane Yesus dau dong ke omur heven la lama iding alo ka elio polou eriar langka oglou osep napaprangan ina tiwai ine. Oglou ari Ida Tapolngon due osep napaprangan ina aitno lisak deka tiwai langane. ‘Mase dau tauni ma Ida Tapolngon due wan bitna bitna keniye tipolou itau lokono eriar langka oglou ari alo ka elio epmes ina dau dong kovok.’ Deka alo ka elio ane polou ma Yesus duru dong ke taklak blang.”

2 Timoti 2:12

Langka itodong dagar ke elio ka opru ite mase ma itaplau osep kap Krais. E langka itopul dogur ke Krais mase ma iye pul dogur ke ite.

2 Pita 3:13

E itapara ke wan ka Ida Tapolngon wai promis ine kodong. Iye wai promis ma sirva oku e taklak oku ma tipolou e tidong. Alo ka iye due isak tipolou osep ma tidong ine e tidue elio isuk isuk ka itau vala.

Pelengon kukwopngon 11:16

Deka osep namormor isorwo apanal ka tidong ke urok kova ke Ida Tapolngon bitna tigrum kamsak e tilotuim Ida Tapolngon.

Pelengon kukwopngon 12:1

Deka nisngen ka omba polou ke sirva. Nisngen tonari langka apmang ka iye tnei oklou lelei ke iye. E taiko dong moli ke apmang kamla e gigimo songotno orwo tidong ka apna langka hat ka osep ka tivri mgo ke omur omur tisine.

Pelengon kukwopngon 20:4

Deka ke omur heven ngavati kova pula e osep tidong ke isak ka Ida Tapolngon kar arit ke isak ma tiwade osep ka pula keniye urok elio isuk isuk. E silang blang ngavati ansak ke osep ka aitno lisak dagar ke Yesus e tipalongo osep ine e tidong dagar ke Ida Tapolngon ila pelengon. Oglou tilotuim ongwa kevena kene ina e ila sapingen kovok e tidue ila nisngen ke bara lisak koke limsak kovok. Deka ke batne langane osep tiblou otuk lisak ma timete. Timete deka Ida Tapolngon due isak tidong blang e tidong langka osep plaungan ina kap Krais la lama iding ke tobor 1,000 mela yagos.

Pelengon kukwopngon 21:5

Deka ngaklingen gute ka dong ke ila kova wai langane. “Umoklingen. Ngadue wan bitna bitna keniye tipolou oku ina.” Deka iye wai blang langane. “Omsogo pelengon ane kesua pelengon ane lokono lokono e osep aitno lisak karanga la dagar ine.”

Pelengon kukwopngon 22:2

Aki suong airavu ke armok ina ekreng omba. E ke aki tonari burla e burme akai dong ka isak akai ka mosongon ina. E akai tiusu otna aling songotno orwo ke tobor kene kene. Akai tiusu otna ke taiko kene kene e akai tonari urok elilo lua osep ka tidong ke omur omur ke taklak ke inarak paiangan.

Pelengon kukwopngon 22:5

E epmes polou blang kovok e lam koke oklou tibublo blang kovok kesua Ida Tapolngon ka iye Ida Puda blang ila bublongon bublo ke osep tonari. E iye plau isak dong vala dong.

Pelengon kukwopngon 3:21

“Ma ngasongon gute ka mole elio soulu ma iye dong kap ngong ke lou kova langka oglou ngamole elio soulu e ngadong kap livou ke ila kova.

Pelengon kukwopngon 4:4

E kova isorwo apanal ka osep namormor isorwo apanal tidong ine lelei kova tonari. Osep namormor tonari titnei klos ka okou e alang. E tisin hat gol langka osep ka tivri mgo ke omur omur tisine.

Pelengon kukwopngon 7:4

E ngaklingen isak tisir osep inarak sasa ka tidue Ida Tapolngon ila nisngen dong ke bara lisak. E tidue nisngen ke osep 144,000 airavu ke osua songotno orwo ke osep Israel ina.