Matyu 19:21 - Aria New Testament

²¹ E Yesus wai ke iye langane. “Langka amwaiki ompolou itau lokono e omdue mosongon ka dong vala dong amla omdue burong ke lem brokngon e amkar lem mani ke osep ka urok wan isuk boto vala. Omdue langane e ma omdue lem wan itau lokono ka dong ke omur heven deka omo emdidi ngong.”

Matyu 19:21 ပူးပေါင်းရင်းမြစ်များ

Matyu 16:24

Deka Yesus wai ke ila disaipel langane. “Langka gute waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Matyu 19:20

E gute tonari ka iye dau auram koli wai langane. “Ngadidi pelengon dagar tonari keniye kodong. Ma ngadue wansua silang?”

Matyu 19:22

E alo ka gute auram klingen Yesus ila pelengon iye la e aitno soulu ine kesua ila brokngon pula lokono.

Matyu 19:28

E Yesus wai ke isak langane. “Ngawai lokono ke umu. Mase Gute Ka Polou Langka Osep ma dong ke ila kova ka itau lokono alo ka Ida Tapolngon due wan ka pula keniye tipolou oku. E umu songotno orwo ka umedidi ngong ma umodong ke kova songotno orwo e umaplau osua songotno orwo ke osep Israel ina.

Matyu 4:19

Yesus vati isak e wai ke isak langane. “Umedidi ngong e langka oku ane umoboko ma umodue lodu ma ngaparere umu ke elio ka mase ma umodue osep tididi ngong.”

Matyu 5:48

E umodue elio ka itau vala kesua Pmomu ka dong ke omur heven due elio ka itau vala.”

Matyu 8:22

E Yesus koli wai langane. “Emdidi ngong e omsongon osep ka isak langka timete tiyas osep ka timete kodong.”

Matyu 9:9

Yesus songon omur are e iye lila e vati gute ka due takis ka angaine Matyu dong ke omur ka osep tikli takis ine. E Yesus wai ke iye langane. “Omo emdidi ngong.” Deka Matyu tito e didi Yesus.

Mak 10:21

Yesus vati gute tonari e iye lana iye ke gute. Deka iye wai langane. “Wan kene dong ka dau pes wom. Amla omdue burong ke lem brokngon keniye. Deka amkar lem brokngon ina mani ke osep ka urok wan isuk boto vala. Omdue langane deka mase ma omdue wan itau lokono ka omur heven ina. E omo emdidi ngong.”

Mak 2:14

Iye parere isak deka iye la blang la lama iye polou ke ninu ka osep tikli urok takis ine. E iye vati gute Alfius otno arang Livai ka dong ke ninu tonari e due takis ke osep. Deka Yesus wai ke Livai langane. “Emtito e emdidi ngong.” Deka Livai tito e didi Yesus.

Mak 8:34

Deka Yesus gi osep pula kap ila disaipel ma time tipolou ke iye deka iye wai ke isak langane. “Langka gute gesa waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Luk 12:33

Umodue burong ke lumu brokngon e umakar mani ke osep ka urok wan isuk boto vala. Deka ma umodue lumu wan itau lokono ka dong ke omur heven e polou yagos kovok. E ke omur heven gute panakongon ina me kovok e kokros ngen wan kovok.

Luk 14:33

E lang­ane ke umu blang. Langka umosongon lumu wan keniye kovok umakaranga umodong lou disaipel kovok.”

Luk 16:9

Deka ngawai ke umu langane. Alo ka umodong ke taklak umodue elio itau ke lumu mani ka taklak ina ma osep tipolou lumu satan. Umodue langane deka alo ka lumu mani yagos ma Ida Tapolngon due umu umesep umodong ke omur heven dong vala dong.”

Luk 18:22

Yesus klingen ila pelengon deka wai ke iye langane. “Omdue elio kene vala dau kovok. Omdue burong ke lem wan keniye e amkar lem mani ke osep ka urok wan isuk boto vala e wan bitna bitna ka itau lokono ma dong para ke wom ke omur heven. Deka omo emdidi ngong.”

Luk 5:27

Mase Yesus lila la e vati gute ka due takis ka angaine Livai dong ke omur ka osep tikli takis ine e wai ke iye langane. “Emdidi ngong.”

Luk 6:40

Gute gesa ka disaipel iye mole gute ka parere iye kovok. E alo ka gute ka disaipel nana kodong iye polou langka gute ka parere iye.”

Luk 9:23

E Yesus wai ke ila disaipel keniye langane. “Langka gute gesa waiki didi ngong ma iye pli tarna e aling aling didi ngong. Iye due langane e langka osep tidue elio soulu ke iye e iye mete are wan gesa kovok.

Jon 10:27

Lou sipsip tiklingen kre lungong. E ngaile isak e tididi ngong.

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Aposel 2:45

E osep leklou tidue burong ke urok wan leklou deka tidue urok wan tonari ina mani deka titongo ine e leklou la ke osep ka urok wan isuk boto vala.

Hibru 10:34

E alo ka osep tidue lumu saten tisep ke kalabus deka aitno lumu langka umodong ke kalabus kap isak. E alo ka osep tipi lumu wan deka aitno lumu epen ine kesua umeile lumu wan ka mole wan tonari dong para ke umu ke omur heven.