Matyu 18:7 - Aria New Testament

⁷ “Aisudo ke osep taklak ina. Ma tidong soulu lokono va. Kesua tiwaiki tidue osep leklou tigene ke elio epmes ina. Lokono elio epmes ina ma polou e dau gute gesa ka due gute silang gene ke elio epmes ina are soulu ke iye.

Matyu 18:7 ပူးပေါင်းရင်းမြစ်များ

Matyu 16:23

E Yesus klingen Pita ila pelengon e bauluk wai ke iye langane. “Satan amla ke dogur lungong. Amwaiki amdangdang ngong kesua emdidi osep aitno lisak vala e emdidi Ida Tapolngon aitno kovok.”

Matyu 26:24

Osep ma tidue burwa ke Gute Ka Polou Langka Osep eriar langka Ida Tapolngon ila pelengon wai ine e aisudo ke gute ka lai iye ina. Wan ka itau tna divir iye kovok.”

Mak 13:7

Mase ma umoklingen osep pula tidue ola e osep pula leklou tikere isak ma tidue ola. Alo ka umoklingen ke elio langane aitno lumu kro ine kovok. Kesua elio langane ma tipolou mgo deka mase taim ane ina yagosngon ma polou.

Luk 17:1

Yesus wai ke ila disaipel langane. “Elio bitna bitna ka titok osep ma tidue elio epmes ina ma tipolou. E dau aisudo ke gute ka due osep ka aitno lisak ila dagar dau dagar kovok ma tidue elio epmes ina.

Jon 17:12

Alo ka ngadong kap isak ngaplau isak ke lem arit ka amkare ke ngong. Ngaplau isak e gute kene vala ke isak imina. Iye gute ka ke ila elio soulu due ma iye imina. E elio ane polou ma wan ka osep tisogoe ke lem pelengon polou lokono.

Aposel 1:16

Deka Pita wai ke isak langane. “Sipmi. Umoklingen lou pelengon ane. Oglou Ano Itau due Devit aitno deka iye sogo ke Judas ila elio ma iye due ke Yesus. Mase Yesus dong deka Judas la mgo ke osep e iye lai Yesus ina eriar langka oglou Devit sogo ine.

1 Korin 11:19

Deka aitno lungong mter langka lumu duningen bitna langka dar boto ma umeile itau ke osep ka aitno lisak dagar ke Ida Tapolngon ila elio itau.

1 Timoti 6:1

Osep Kristen ka isak wokboi nating ma tidue anit ke inarak plaungan lama urok elio due Ida Tapolngon angaine duru e osep tiwai soulu ke aitno lite ila dagar.

Taitus 2:5

E apmang pasinga oku ina tiplau isak itau e tididi elio itau vala. E tile elio ka tidue urok bokongon bitna bitna itau e tidue elio itau ke osep. E tidong moli ke urok soboget e tini urok pelengon. Tidue elio itau langane ma osep tikaranga tiwai soulu ke Ida Tapol-ngon ila pelengon kovok.

Taitus 2:8

Amwai pelengon lokono vala deka osep tikaranga tiwai soulu ke lem pelengon kovok. E tikaranga tituk orsak pulu kap wom kovok. Deka ma isak mnak isak ke urok elio soulu e tikaranga tiwai blang kovok.

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.