Matyu 18:35 - Aria New Testament

³⁵ Deka Yesus wai langane. “Livou ka dong ke omur heven ma due elio eriar langane ke umu langka lokono umasak elio soulu ka lumu osua tidue ke umu kovok.”

Matyu 18:35 ပူးပေါင်းရင်းမြစ်များ

Matyu 18:34

E gute ka vri mgo ke omur ari aitno engil lokono ke gute tonari e iye pagei iye ke osep ka tiplau kalabus ma tidue agegeng ke iye la lama iye koli batne ke ila aglunga keniye.”

Matyu 6:12

Amsak limem elio soulu e omlua imi ma imasak elio soulu ka osep tidue ke imi.

Mak 11:25

Alo ka umevri umawai itau ke Ida Tapolngon mgo umasak elio soulu ka osep leklou tidue ke umu. Umodue elio langane deka Pmomu ka dong ke omur heven ma sak lumu elio epmes ina bitna bitna ka umodue.”

Luk 16:15

E Yesus wai ke isak langane. “Umu osep ka umawaiki osep tivati umu langka umu osep itau lokono e dau Ida Tapolngon ile aitno lumu. Wan ka osep tivati langka wan ka itau lokono Ida Tapolngon vati wan tonari langka wan ka soulu lokono.”

Jems 2:13

Deka langane. Langka aitno lite due osep leklou kovok deka alo ka Ida Tapolngon wade ite ma aitno due ite kovok blang. Elio ka aitno lite due osep mole elio ka itawade osep.

Jems 3:14

E langka aitno lumu rim ke osep leklou e aitno lumu vri ke umu kenmu kenmu deka umakakai angainmu kovok. Kesua langka aitno lumu langane umayak umu tona e umedidi pelengon ka lokono kovok.

Jems 4:8

Umala olwo boto ke Ida Tapolngon e ma iye polou olwo boto ke umu. Umu ka umodue elio epmes ina umosongon lumu elio epmes ina langka gute ka grong limla. E umu ka aitno lumu orwo ke Ida Tapolngon aitno lumu mter ke elio itau vala.

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”