Matyu 18:15 - Aria New Testament

¹⁵ “Langka gute kene ka aitno dagar eriar langka umu due elio soulu ke umu deka umala ke iye e umenis iye ke ila elio soulu. E mgo wom kenwom vala amla e emnis iye kesua elio ane wan ke umorwo vala. E langka iye klingen lem pelengon io umodue umorwo aitno lumu tipolou kene pulu blang.

Matyu 18:15 ပူးပေါင်းရင်းမြစ်များ

Matyu 18:14

E langane blang ke Livou ka dong ke omur heven. Iye waiki ma agau kene imina kovok.”

Matyu 18:21

Deka Pita me ke Yesus e pmi iye langane. “Ngau Puda langka gute ke lou osua due elio soulu ke ngong ma ngasak ila elio soulu tonari aling sesue? Iding ke aling lumorwo?”

Matyu 18:35

Deka Yesus wai langane. “Livou ka dong ke omur heven ma due elio eriar langane ke umu langka lokono umasak elio soulu ka lumu osua tidue ke umu kovok.”

Pas ka Pol sogoe uti la ke osep Rom ina 12:21

E amdangdang elio soulu ke wom lama elio soulu mole wom. E omdue elio ka itau vala ma elio ka itau mole elio ka soulu.

1 Korin 8:12

Deka langka umodue elio langane umodue elio soulu ke supmu e umodue agegeng ke aitno lisak ila dagar. Ane langka umodue elio soulu ke Krais.

2 Korin 7:12

Alo ka ngasogo pas uti ke umu aitno lungong mter ngamosi elio ke gute ka due elio soulu kovok. E aitno lungong mter ke gute silang ka gute tonari due elio soulu ine kovok. Aurou. Ngasogoe ma lumu elio itau polou malak e ke Ida Tapolngon bitna umeile umu lana umu ke imi.

Galesia 6:1

Sipmi. Ngawaiki umeile lang-ane. Langka lumu aten gesa due elio epmes ina deka umu ka umedidi Ano Itau umodue elio itau ke iye e umolua iye ma iye mosi ila elio epmes ina. E umaplau umu itau lama Satan tok umu deka umu blang umegene ke elio epmes ina.

Kolosi 3:13

Umodue elio itau ke osep ka tidue elio soulu ke umu e langka gute due elio soulu ke umu deka umu kenmu kenmu umasak ila elio soulu ka iye due. Umasak osep urok elio soulu eriar langka oglou Ida Puda sak lumu elio epmes ina.

1 Tesalonaika 4:6

Umu ma umodue elio soulu ke sudo ka Kristen ke elio tonari kovok. Oglou imawai dagar ke umu ke elio tonari langane. Ida Puda ma koli batne ke osep ka tidue elio soulu langare.

2 Tesalonaika 3:15

E dau imawaiki aitno lumu mter langka gute tonari upu oul kovok. Aitno lumu mter iye langka sudo gesa. E umakar iye pelengon ka lua iye e mosi aitno.

Taitus 3:10

Langka gute gesa wai pele-ngon ka due Ida Tapolngon ila osep tidardar deka amwai pelengon dagar ke iye ma ommosi aitno. Ma iye wai langane blang kovok. Langka omdue langane aling orwo ina e iye dau klingen pelengon kovok deka umopul dogur ine e umodong kap iye kovok.

1 Pita 3:1

E umu apmang umeini lumu soboget urok pelengon. E ngaile isak leklou aitno lisak dagar ke Ida Tapolngon ila pelengon kovok. E dau umeini isak ma tivati lumu elio itau e lumu elio itau mter aitno lisak ma aitno lisak la dagar ke Ida Tapolngon.