Matyu 18:10 - Aria New Testament

^10-11 “Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.

Matyu 18:10 ပူးပေါင်းရင်းမြစ်များ

Matyu 1:20

E Josep aitno dau mter ine e iye munu kudung ano e Ida Tapolngon ila ensel polou ke iye e wai langane. “Josep wom ka Devit ila napakngan omulou ma emgi Maria kovok. Aurou. Kesua iye somugu batne ke Ano Itau.

Matyu 12:20

Ma iye bong tobor ka meteltel koke bausim eiou ka isuk boto emsim kovok. E ma iye boko la lama elio ka itau lokono mole elio ka pula keniye leklou.

Matyu 18:14

E langane blang ke Livou ka dong ke omur heven. Iye waiki ma agau kene imina kovok.”

Matyu 18:6

E gute sei ka due agau ka aitno dagar ke ngong ma iye songon aitno ila dagar deka langka osep tipou opmu ka anit ke agune e tiuri iye ke aki e iye unim ma mete are itau. E langka osep tidue elio langane dau elio ane mole Ida Tapolngon aitno ila engil ke gute tonari kovok. Aurou. Ida Tapolngon aitno dau engil ke iye.”

Matyu 2:13

Osep ka tile omur ke wan bitna bitna kla kodong e Josep munu kudung ano e Ida Tapolngon ila ensel gesa polou ke iye. Ensel polou e wai ke iye langane. “Emtipa e ampaur mimi e tna e umoulou ke omur Isip. E umodong ine la lama ngawai ke wom blang. Kesua ma Herot krim ke mimi ma iye due burwa ine.”

Matyu 2:19

E alo ka Herot mete Ida Tapolngon ila ensel polou ke Josep ka iye dau dong ke omur Isip alo ka iye munu kudung ano. E ensel wai ke iye langane.

Matyu 24:31

E kuliep ma wai omba e iye pagei ila ensel ke omur ka pula keniye ke taklak e tigom osep ka pula keniye ka iye rere isak ila osep.”

Luk 1:19

E ensel koli wai ke iye langane. “Ngong Gebriel e ngavri ke Ida Tapolngon bitna e iye pagei ngong ma ngawai ke wom e ngapalongo lem ke pelengon itau ane.

Luk 10:16

E Yesus wai ke ila osep bokongon ina tonari langane. “Gute ka klingen lumu pelengon klingen lou pelengon blang e gute ka pli umu pli ngong blang. E gute ka pli ngong pli Ida Tapolngon ka pagei ngong ngame.”

Luk 16:22

“Mase gute ka pang mani mete e Ida Tapolngon ila ensel tipaur iye la ma iye dong ke Abraham galna. Deka mase gute ka ila mani pula pula mete blang e osep tiyas iye.

Aposel 10:3

Oklou kene langka 3 kilok ke kirui iye vati ano. Iye vati ano malak deka Ida Tapolngon ila ensel gesa me ke iye e wai ke iye langane. “Kornilius.”

Aposel 12:15

Osep tonari tikoli tiwai ke iye langane. “Ai wom kaka lokono.” Deka Roda dau dagar iye ke ila pelengon deka osep tikoli tiwai ke iye langane. “Aurou. Wan ka amvati iye Pita ila ensel vala.”

Aposel 12:23

Tiwai langane deka lokono Ida Puda ila ensel mke Herot deka mimei tinapak ke aitno e tingen iye deka iye mete. Ensel tonari mke Herot kesua aitno kene ke osep pula ka tikakai iye eriar langka iye Ida Tapolngon e iye kakai Ida Tapolngon angaine kovok.

Aposel 27:23

Ngawai langane kesua ke epmes Ngau Tapolngon ka iye ngau gute e ka ngalotuim iye pagei ila ensel gesa polou ke ngong e vri ke galna lungong.

Aposel 5:19

Tidong ine la lama epmes deka Ida Puda pagei ila ensel gesa polou ke isak. E ensel polou ke kalabus e klok kalabus ina ekreng bitna e paur isak tipolou ke dogur. Tipolou ke dogur kodong deka ensel wai ke isak langane.

Pas ka Pol sogoe uti la ke osep Rom ina 14:10

Ina lange amwade lem aten gesa ila elio isuk isuk e amwai soulu ine? E ina lange emtem mluk lem aten gesa? Kesua ite ka pula keniye ma itevri ke Ida Tapolngon bitna ma iye wade udo elio isuk isuk.

Pas ka Pol sogoe uti la ke osep Rom ina 14:21

Langka emngen ongwa okurne koke eminim aki galou wain koke omdue wan silang e lem elio tonari due lem aten gesa due elio epmes ina are itau kovok. E wan ka itau ma omdue elio langane kovok.

Pas ka Pol sogoe uti la ke osep Rom ina 15:1

Ite ka itodong dagar ke aitno lite ila dagar ma itolua osep ka aitno lisak dagar isuk boto vala. E aitno lite vri ke ite vala kovok.

1 Korin 11:22

Lange? Lumu ninu ka umakaranga umangen ine e umeinim ine dong kovok koke aurou? Koke umawaiki umodue markan ke Ida Tapolngon ila osep ka tiduni pulu? E umawaiki ma umodue sudo ka inarak ngangon kovok isak mnak isak ine? Ma ngawai lange ke umu? Ma ngapakuru umu ke lumu elio koke aurou? Aurou. Ke lumu elio tonari ma ngapakuru umu ine kovok.

1 Korin 16:11

E ngawaiki supmu leklou tipul dogur ke iye kovok. E aitno lumu itau ke iye ma umolua iye ke ila langan ma iye bauluk me ke ngong blang. Ma ngapara ke alo ka iye me kap sudo leklou.

1 Korin 9:22

Alo ka ngadong kap osep ka aitno lisak ila dagar dau dagar kovok ngadidi urok elio ma ngalua isak. Ngadidi osep bitna bitna urok elio kesua ngawaiki ngalua isak ma tipolou Krais ila osep.

2 Korin 10:1

Osep leklou tiwai ke umu langane. “Alo ka Pol dong kap umu langka iye pes iye vala e alo ka iye dong mawa iye wai dagar.” Deka ngawai ke umu ma aitno lumu mter ke Krais ila elio e umoklingen lou pelengon. Krais ila elio langane. Ila elio molil molil e iye due mada ke osep.

2 Korin 10:10

Osep leklou tiwai langane. “Pol sogo pelengon ka dagar ke ila pas keniye e alo ka iye polou ke amtada itavati iye langka ila arit kovok e elio ka iye wai ke osep are wan adai vala.”

Galesia 6:1

Sipmi. Ngawaiki umeile lang-ane. Langka lumu aten gesa due elio epmes ina deka umu ka umedidi Ano Itau umodue elio itau ke iye e umolua iye ma iye mosi ila elio epmes ina. E umaplau umu itau lama Satan tok umu deka umu blang umegene ke elio epmes ina.

1 Tesalonaika 4:8

E gute ka pli pelengon ane iye langka pli osep urok pelengon vala kovok. Aurou. Iye pli Ida Tapolngon ka kar Ano Itau ke ite ila pelengon.

1 Timoti 4:12

E Timoti. Ngap tobor pula kovok. Deka langka osep tiwaiki tiklingen ke wom kovok are itau kovok. E dau aitno lugom kro ine kovok. Omdue elio itau vala ma osep Kristen tivati lem elio e ma tikanae. Ma omdue elio itau ke lem pelengon e ke lem mosongon e ke elio ka wom lana wom ke osep leklou. E aitno lugom dong dagar ke Yesus e amdangdang pampamu lugom ke elio epmes ina bitna bitna.

Hibru 1:14

E langane. Ida Tapolngon ila ensel isak ansak ka tidue ila bokongon. Iye pagei isak ma tilua osep ka Ida Tapolngon waiki lua isak ke urok elio epmes ina.

Hibru 9:24

E Krais mete ma iye sep ke ninu molo ina ka osep tiurie kovok. Ninu molo ina tonari nisngen ke Ida Tapolngon ila ninu ka dong ke omur heven. Krais mete e sep ke omur heven e dong ke Ida Tapolngon bitna e loulou ke ite.

Pelengon kukwopngon 8:2

Deka ngavati ensel lumorwo ka tivri ke Ida Tapolngon bitna tidue kuliep lumorwo.