Matyu 17:27 - Aria New Testament

²⁷ E dau lama osep aitno lisak soulu ke ite amla ke aki e omkngo lodu. E omklok ene ke lodu ka omdue mgo e ma ampado mani. Omdue mani tonari e emkli takis ke wom e ngong ine.”

Matyu 17:27 ပူးပေါင်းရင်းမြစ်များ

Matyu 17:26

Alo ka Pita koli wai tidue takis ke osep kaulei Yesus wai langane. “Ma osep matamur tikli takis kovok i?

Matyu 18:6

E gute sei ka due agau ka aitno dagar ke ngong ma iye songon aitno ila dagar deka langka osep tipou opmu ka anit ke agune e tiuri iye ke aki e iye unim ma mete are itau. E langka osep tidue elio langane dau elio ane mole Ida Tapolngon aitno ila engil ke gute tonari kovok. Aurou. Ida Tapolngon aitno dau engil ke iye.”

Matyu 18:8

E langka lupmu koke kopmu tidue umu umosongon aitno lumu ila dagar deka umoblou e umourie la. Kesua are itau langka umodong e lupmu kene koke kopmu kene dong kovok lama lupmu orwo e kopmu orwo tidong e umala ke omur hel. E ari eiou dong vala dong.

Matyu 5:29

E langka omtomu odung due umu umodue elio epmes ina deka umepie e umourie ke umu. Kesua are itau langka ongwa lumu kene dong kovok lama ongwa lumu keniye la ke omur hel.

Matyu 5:30

E langka lupmu odung due umu umodue elio epmes ina deka umobloue e umourie ke umu. Kesua langka ongwa lumu kene dong kovok are itau lama ongwa lumu keniye la ke omur hel.

Mak 9:42

Deka Yesus wai ke ila disaipel langane. “Umodue elio soulu ka tipagolgol osep ka aitno lisak dagar ke ngong kovok. Langka mimi gesa ka aitno lisak ila dagar dau tidong dagar lokono kovok deka umapagolgol aitno lisak kovok. E langka itadangdang osep ka tiwaiki tidue elio langane e itopou opmu ombatno ke agunsak e itouri isak kla tisep ke misuon e timete are itau ke isak. Lama isak tidong tipaiavu osep tonari aitno lisak.

Mak 9:43

Langka lupmu gesa due umu umodue elio epmes ina ine ma umobloue kopuk la vala. Langka umoblou lupmu kene kopuk la deka umodue elio epmes ina kovok batne iye dong kovok ane itau vala. Kesua mase ma umodong ke omur heven deka ma lumu mosongon ka itau dong vala dong. E langka lupmu orwo tidong deka umodue elio epmes ina bitna bitna ine e mase umala umokluk ke omur hel are soulu lokono. Kesua eiou ka omur hel dong vala dong e ina yagosngon kovok.”

Luk 17:2

E langka osep tidue gute tonari e tipou opmu ka anit ke agune e tiuri iye ke misuon ma iye unim e mete are itau. E langka tidue elio ane dau elio ane karanga mole Ida Tapolngon aitno ila engil ke gute tonari kovok. Aurou. Ida Tapolngon aitno dau engil ke iye.

Jon 6:61

E Yesus ile ila disaipel tingurngur ke ila pelengon e wai ke isak langane. “Lange? Lou pelengon ane due aitno lumu segesege ke ngong?

Pas ka Pol sogoe uti la ke osep Rom ina 14:21

Langka emngen ongwa okurne koke eminim aki galou wain koke omdue wan silang e lem elio tonari due lem aten gesa due elio epmes ina are itau kovok. E wan ka itau ma omdue elio langane kovok.

1 Korin 8:13

Deka langka ngangon ka ngangene due agegeng ke osep leklou ma tidue elio epmes ina ma ngangen ongwa okurne aling silang blang kovok. Lama lou elio due isak tidue elio soulu.

1 Korin 8:9

Deka ma umeile umu itau lama lumu elio ka umangen wan bitna bitna due supmu ka aitno lisak ila dagar dau dagar kovok ma tidue elio epmes ina.

2 Korin 6:3

Imawaiki osep tiwai soulu ke limem bokongon kovok deka ke batne langane imodue wan gesa ka karanga pagolgol aitno lisak kovok.

2 Korin 8:9

E umeile Ida Puda Yesus Krais ila makaingan. Iye dong ke omur heven e wan ka pula keniye tidong ila wan. E dau iye songon wan tonari e polou langka ila wan isuk boto vala ma iye lua umu. Iye due langane ma lumu wan pula tidong ke Ida Tapolngon bitna.

1 Tesalonaika 5:22

E umopul dogur ke elio soulu ka pula keniye.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.