Matyu 17:20 - Aria New Testament

^20-21 E Yesus wai ke isak langane. “Umakaranga umasapir iye kovok kesua aitno lumu ila dagar sasi boto vala. Ngawai lokono ke umu. Langka aitno lumu ila dagar daudeng langka mastet londo umakaranga umawai ke gigri ma iye songon omur kene e la ke omur silang e gigri ma la. E ma umakaranga umodue elio keniye ka umawaiki umodue.

Matyu 17:20 ပူးပေါင်းရင်းမြစ်များ

Matyu 13:31

E Yesus wai pelengon ano silang langane. “Omur ka Ida Tapolngon plaue langka mastet londo ka gute la ser isak ke ila yage.

Matyu 14:29

E Yesus wai “omo” e Pita songon bot e lila ke aki tona e la ke Yesus.

Matyu 17:17

E Yesus koli wai ke iye langane. “Umu osep ka umodong oku ane aitno lumu dagar ke Ida Tapolngon kovok e lumu elio soulu. Ma ngadong kap umu tauni? Ngawaiki ngadong kap umu tauni kovok. Ampaur iye ke ngong.”

Matyu 17:19

Deka osep disaipel kla ke Yesus alo ka iye kene vala dong e tipmi iye langane. “Ina lange imakaranga imasapir angelo soulu tonari kovok?”

Matyu 17:9

E alo ka tiduru ke gigri Yesus wai dagar ke isak langane. “Umapalongo wan ka umavati ke gigri ke gute gesa kovok la lama Gute Ka Polou Langka Osep poga tito ke ina denga.”

Matyu 21:21

E Yesus koli wai langane. “Ngawai ke umu lokono. Langka aitno lumu dagar ke Ida Tapolngon e aitno lumu orwo ke iye kovok umakaranga umodue elio ka ngadue ke akai fik ane vala kovok. Aurou. Umakaranga umawai ke gigri ma iye tito e la ke misuon e ma gigri didi lumu pelengon.

Matyu 8:26

E Yesus koli wai langane. “Ina lange umelim? Aitno lumu ila dagar daudeng vala.” Deka iye tito wai dagar ke engen e boitini ma isak yagos. E lokono isak yagos.

Mak 11:22

Deka Yesus koli wai ke ila disaipel langane. “Aitno lumu ila dagar la dagar ke Ida Tapolngon.

Mak 11:23

Ngawai ke umu ke pelengon lokono ane. Langka gute gesa aitno dagar ke Ida Tapolngon vala e aitno orwo kovok deka wan ka iye wai itau ke Ida Tapolngon ine ma polou lokono. Langka aitno dagar langane e iye wai ke gigri ka vri are ma iye due iye tona e tapre iye la sep ke misuon deka ma elio didi ila pelengon.”

Mak 4:31

Elio ka Ida Tapolngon vri mgo ke osep iye eriar langka akai mastet londo ka daudeng lokono. Wan bitna bitna londo daudeng langka akai mastet londo kovok.

Mak 9:23

Deka Yesus koli wai langane. “Ina lange amwai langka ngakaranga ngalua umu deka amwaiki ma ngalua umu? Emile langane kovok i? Ida Tapolngon karanga lua osep keniye ka aitno lisak dagar ke iye ma tikaranga tidue elio keniye.”

Luk 1:37

Kesua Ida Tapolngon karanga due wan ka iye waiki due.”

Luk 17:6

E Ida Puda koli wai ke isak langane. “Langka aitno lumu ila dagar daudeng langka mastet londo umakaranga umawai ke akai omba langane. ‘Lem gigitno polou e amla e omusak wom tona ke misuon.’ E akai are ma didi lumu pelengon.”

Luk 18:27

E Yesus koli wai langane. “Wan ka osep tikaranga tidue kovok Ida Tapolngon karanga due.”

Jon 11:40

Deka Yesus wai langane. “Ngawai ke wom oglou kodong langane. Langka aitno lugom dagar ke ngong ma amvati Ida Tapolngon ila arit.”

1 Korin 12:9

E ke gute silang Ano Itau due aitno ila dagar polou dagar lokono. E Ano Itau kere gute silang ma iye karanga lua osep ka tipaia ma tipolou itau blang.

1 Korin 13:2

E langka ngakaranga nganapapra Ida Tapolngon ila pelengon e ngaile Ida Tapolngon ila pelengon ka kukwop e ngaile ilengen bitna bitna keniye blang. E langka aitno lungong ila dagar omba lokono ma ngakaranga ngadue gigri yari la ke omur silang. E dau ngong lana ngong ke osep kovok ngong langka wan adai vala.

Hibru 3:19

Iteile omur osep tonari tikaranga tisep e timtong ke omur tonari kovok kesua aitno lisak la dagar ke Ida Tapolngon kovok.