Matyu 17:12 - Aria New Testament

¹² E ngawai ke umu Elaija me kodong e osep tile ine kovok e tidue wan soulu ka didi aitno lisak ke iye. E eriar langane osep ma tidue pogle ke Gute Ka Polou Langka Osep.”

Matyu 17:12 ပူးပေါင်းရင်းမြစ်များ

Matyu 11:2

Alo ari Jon dong ke kalabus e iye klingen omon ke wan ka Krais due deka iye pagei ila disaipel leklou kla ke Yesus.

Matyu 16:21

Alo ari Yesus nogrum palongo ila disaipel ma iye la ke Jerusalem e namani elio soulu pula ke osep namormor e osep loulou ina ka omba e osep ka tile itau ke Moses ila sogongon. E ma timter iye ma iye mete e mase ke oklou elku ina ma iye poga tito ke ina denga.

Matyu 17:11

E Yesus koli wai langane. “Elaija ma me e kere wan keniye.

Matyu 17:13

Deka Yesus ila disaipel tile iye wai ke isak ke Jon ka paunim osep.

Matyu 17:22

Tiduni pulu ke omur Galili e Yesus wai ke isak langane. “Osep ma tikar ngong ka Gute Ka Polou Langka Osep ke osep leklou.

Matyu 17:9

E alo ka tiduru ke gigri Yesus wai dagar ke isak langane. “Umapalongo wan ka umavati ke gigri ke gute gesa kovok la lama Gute Ka Polou Langka Osep poga tito ke ina denga.”

Matyu 21:32

Kesua alo ka gute Jon me e nis umu ke ekreng ka Ida Tapolngon waiki umedidie aitno lumu la dagar ke ila pelengon kovok. E osep ka tidue takis e apmang ekreng palma ina aitno lisak la dagar ke ila pelengon. E dau alo ka umavati elio tonari umabauluk aitno lumu ke lumu elio kovok e aitno lumu la dagar ke ila pelengon kovok.”

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Luk 7:33

Kesua Jon ka paunim osep me e ngen bret kovok e inim aki wain kovok e umawai langane. ‘Angelo soulu dong ke iye.’

Jon 1:11

Iye me ke ila osua e aitno lisak itau ke iye kovok e tidue kovok.

Aposel 2:23

Oglou ari kodong Ida Tapolngon didi aitno deka rere gute Yesus ma iye mete e kasip amunte. Mase tauni kovok e Yesus dong kap ite. Deka umodue osep epmes ina aitno lisak engil ke Yesus deka tidue agegeng ke iye e tinilim kamla e limla e iye mana ke ina akai deka mete ine.

Aposel 4:10

Ma ngapalongo lumu umogosok osep Yuda ina ka pula keniye ma umeile omur ke elio ane ina poloungon batne. Gute Yesus ila arit due gute ane kamla polou itau blang. Oglou umenilim Yesus kamla e limla ke ina akai deka iye mana ine e mete. Deka osep tipaur pampamu ine la munu ke ina denga. Mase Ida Tapolngon didi ila arit e due poga tito ke ina denga. Deka eknikane gute ka umavati ane iye vri ane batne ke Yesus Krais ka Nasaret ina ila arit due kamla polou itau blang.

Aposel 7:52

Oglou lumu seia tidue agegeng ke osep napaprangan ina keniye. Tidue burwa ke osep tonari ka oglou tinapapra ke isak ke gute ka ila elio itau lokono ka ma me. Mase gute tonari me ke umu e umalai iye ina e umodue burwa ke iye.