Matyu 16:28 - Aria New Testament

²⁸ Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Matyu 16:28 ပူးပေါင်းရင်းမြစ်များ

Matyu 10:23

Langka osep tidue agegeng ke umu ke armok kene deka umala umosuong ke armok silang. Ngawai dagar ke umu langane. Ma umala ke armok keniye ka tidong ke omur Israel dau kovok e Gute Ka Polou Langka Osep ma polou.”

Matyu 16:13

Alo ka tipolou ke omur ka armok Sisaria Filipai dong ine Yesus pmi ila disaipel langane. “Osep tiwai lange ke Gute Ka Polou Langka Osep? Tiwai iye sei?”

Matyu 24:3

Mase alo ka Yesus dong ke gigri Oliv ila disaipel time ke iye e tiwai ke iye vala langane. “Ampalongo limem lesen ma wan ka amwai ine polou. E nisngen sua nis osep ke alo ka ma emiding omo e nis osep ke taklak ane ina yagosngon.”

Matyu 24:34

Ngawai lokono ke umu langane. Osep ka tidong oku ane ma timete kovok deka wan ka pula keniye tonari ma polou.

Matyu 24:42

Io umaplau umu itau kesua umeile oklou ka Upu Puda ma iding me kovok.

Matyu 26:64

E Yesus koli wai langane. “Wom tona amwai ine e dau ngawai ke umu langane. Mase ma umavati Gute Ka Polou Langka Osep dong ke Ida Tapolngon ka ila arit ombatno limla odung. E ma umavati iye me ke taklak ke gaup ke sirva.”

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Mak 13:26

Deka ma osep tivati ngong ka Gute Ka Polou Langka Osep ngaduru ke gaup kap lou arit e lou bublongon ka isak ombatno lokono.

Mak 8:38

Eknikane osep ka pula keniye ka tidong ke taklak ane tidong tidar Ida Tapolngon ila pelengon dagar e tipul dogur ke iye. Langka gute gesa mnak iye ke ngong e ke lou pelengon io mase ma ngong mnak ngong ke iye. Alo ka ngong ka Gute Ka Polou Langka Osep ngabauluk ke taklak blang kap Livou ila bublongon e ila ensel ka itau ma ngong mnak ngong ke gute tonari.”

Mak 9:1

Deka Yesus wai ke isak langane. “Ngawai ke umu ke pelengon ane ka lokono. Osep leklou ka tivri ane ma tidong la lama tivati elio ka Ida Tapolngon plau osep ke ila arit polou deka ma timete.”

Luk 18:8

Ngawai ke umu langane. Ma iye lua isak e kere isak suong. E dau alo ka Gute Ka Polou Langka Osep iding me ma iye pado osep ke taklak ka aitno lisak dagar ke iye koke aurou?”

Luk 2:26

E Ano Itau nis iye ma iye mete kovok la lama iye vati gute ka Ida Puda rere Krais ka ma lua osep ke urok elio epmes ina.

Luk 9:27

Ngawai lokono ke umu langane. Umu leklou ma dau umodong alo ka omur ka Ida Tapolngon plaue polou.”

Jon 21:22

E Yesus koli wai ke iye langane. “Langka ngawaiki iye dong la lama ngaiding ngame are wan gesa kovok ke wom. E emdidi ngong vala.”

Jon 8:51

Ngawai lokono ke umu langane. Langka gute kis lou pelengon dagar e didie ma iye due mosongon ka dong vala dong e ma iye mete kovok.”

Jon 8:52

Osep Yuda ina tiklingen Yesus ila pelengon deka tikoli tiwai langane. “Imeklingen lem pelengon e oku ane imeile angelo soulu dong ke wom. Oglou Abraham mete e osep napaprangan ina timete blang e amwai osep ka tididi lem pelengon ma timete kovok.

Aposel 1:11

Deka osep orwo tonari tiwai ke isak langane. “Umu ka osep Galili ina ina lange omtomu dau tinekek dagar ke omur ka Yesus sepe? Eriar langka eknikane umavati Yesus tito la ke omur heven mase ma iye iding me blang.”

1 Korin 15:23

Deka langane. Ite ka pula keniye ma itopoga itetito ke ida denga alo ka Ida Tapolngon rere ke ite ma iye due langane. Mgongon iye due Krais poga tito ke ina denga e mase alo ka iye iding me ite ka pula keniye ka ila osep ma itopoga itetito ke ida denga.

1 Tesalonaika 1:10

E tipalongo urok ke elio ka umapara ke alo ka Ida Tapolngon Otno Arang Yesus ma iding me ke omur heven. Otno Arang tonari mete deka Ida Tapolngon didi ila arit e due poga tito e dong blang e iye mole udo elio epmes ina e lua ite ma itanamani Ida Tapolngon aitno ila engil ka mase ma me kovok.

Hibru 2:9

Iteile oglou Ida Tapolngon due Yesus polou langka itosep e ke sasi boto vala iye dong moli ke ensel. Ida Tapolngon due elio langane kesua batne iye makai ite e Yesus mete e kasip amunte. E eknikane Ida Tapolngon kakai Yesus angaine tito la egim e osep tidue anit ke iye.

Jems 5:7

Sipmi ngawai ke umu lang-ane. Langka osep tidue elio soulu ke umu deka umapara ke alo ka Ida Puda ma iding me. Ma ngawai pelengon ano ke umu. Langka gute due yage iye para ke alo ka wan ka iye usake anino. Iye usak wan deka iye para ke aragu e oklou ka due wan ka iye usake polou anino.

2 Pita 1:16

Alo ka imawai ke umu ke Ida Puda Yesus Krais ila arit e elio ka mase iye ma iding me imedidi basikngen adai koke alemge kovok. Aurou. Imavati ila elio ka itau lokono e ila arit.

1 Jon 2:28

Deka dirgu umodong kap Krais ma alo ka iye polou malak umodong dagar ke iye e umu mnak umu ke bitna kovok.