Matyu 16:21 - Aria New Testament

²¹ Alo ari Yesus nogrum palongo ila disaipel ma iye la ke Jerusalem e namani elio soulu pula ke osep namormor e osep loulou ina ka omba e osep ka tile itau ke Moses ila sogongon. E ma timter iye ma iye mete e mase ke oklou elku ina ma iye poga tito ke ina denga.

Matyu 16:21 ပူးပေါင်းရင်းမြစ်များ

Matyu 12:40

Jona dong ke lodu omba pele ke misuon oklou eklu eriar langka Gute Ka Polou Langka Osep ma dong ke ina denga oklou eklu.

Matyu 16:22

Iye wai langane deka Pita due e wai dagar ke iye langane. “Ngau Puda Ipem Tapolngon ma songon elio are polou kovok. Elio ane ma polou ke wom kovok.”

Matyu 16:28

Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Matyu 17:12

E ngawai ke umu Elaija me kodong e osep tile ine kovok e tidue wan soulu ka didi aitno lisak ke iye. E eriar langane osep ma tidue pogle ke Gute Ka Polou Langka Osep.”

Matyu 17:9

E alo ka tiduru ke gigri Yesus wai dagar ke isak langane. “Umapalongo wan ka umavati ke gigri ke gute gesa kovok la lama Gute Ka Polou Langka Osep poga tito ke ina denga.”

Matyu 20:28

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”

Matyu 26:2

“Umeile ma oklou orwo mela yagos deka itodue rogo omba ka lana ine la ke alo ka Ida Tapolngon lua osep Yuda ina tisongon omur Isip. E osep ma tikar Gute Ka Polou Langka Osep ke osep leklou ma tinilim iye ke ina akai.”

Matyu 26:47

Alo ka Yesus dau wai Judas ka iye gute kene ke disaipel songotno orwo me ke iye. E osep loulou ina ka omba e osep ngongle ke osep Yuda ina tipagei osep pula ka tikalke elil omba e akai kap iye.

Matyu 27:12

E alo ka osep loulou ina ka omba e osep namormor tisin elio vri ke iye deka iye koli urok pelengon kovok.

Matyu 27:63

E tiwai langane. “Gute namor emtemi sisir alo ka gute yakngan ina are dau dong iye wai langane. ‘Mase oklou eklu mela yagos ma ngapoga ngatito ke ngau denga.’

Matyu 28:6

E iye dong ane kovok kesua iye poga tito ke ina denga kodong eriar langka oglou iye wai ine. Umomo e umavati omur ka iye munu ine.

Mak 8:31

Yesus gosok ila disaipel dau tididi ekreng deka iye nogrum parere isak langane. “Mase ma ngong ka Gute Ka Polou Langka Osep nganamani agegeng bitna bitna osep ma tidue ke ngong. Osep ngongle e osep loulou ina ka omba e osep ka tile itau ke Moses ila sogongon ma tipli ngong. Ma osep tidue burwa ke ngong ma ngamete. E mase oklou eklu mela yagos deka ma ngapoga ngatito ke ngau denga.”

Mak 9:12

Deka Yesus koli wai ke isak langane. “Osep tonari tiwai lokono. Elaija me kere wan keniye kodong deka ngame. Oglou osep tisogo Ida Tapolngon ila pelengon ka la ke Gute Ka Polou Langka Osep. Tisogo ma osep tidue agegeng ke iye e ma tipli iye.

Luk 17:25

E mgo ke taim ari osep ka tidong oku ane ma tidue elio soulu pula ke iye e tipli iye.

Luk 24:46

E iye wai ke isak langane. “Osep tonari tisogo langane. ‘Gute Krais ka Ida Tapolngon rere ma iye lua osep ma namani elio soulu deka ke oklou eklu ina ma iye poga tito ke ina denga.’

Luk 9:31

Tipolou ke bublongon ka itau lokono e tiwai ke elio ma iye due ke Jerusalem e ke elio ka isuk boto ma iye songon taklak.