Matyu 16:16 - Aria New Testament

¹⁶ E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Matyu 16:16 ပူးပေါင်းရင်းမြစ်များ

Matyu 1:16

E Jekop divir otno arang Josep. E Josep iye apmang Maria ila boget. E Maria somugu e divir Yesus ka ina sirngen Krais. Iye gute ka Ida Tapolngon rere ma iye lua osep ke urok elio epmes ina.

Matyu 14:33

E osep ka tidong ke bot tilotuim iye e tiwai langane. “Lokono wom Ida Tapolngon Otno Arang.”

Matyu 16:15

E Yesus pmi isak langane. “E aitno lumu lange? Ngong sei?”

Matyu 26:63

E dau Yesus koli wai kovok. E gute loulou ina ka mgo wai ke iye langane. “Ngawai ke wom ke Ida Tapolngon ka dong vala dong angaine ma amwai lokono ke imi. Wom gute Krais ka Ida Tapolngon rere ma iye lua osep koke aurou? Wom Ida Tapolngon Otno Arang?”

Matyu 27:54

E alo ka gute ka plau osep ola ina bunokene e osep ola ina leklou ka tidong tiplau Yesus kap iye tivati orgi e wan ka polou aitno lisak nesik omba e tiwai langane. “Lokono gute ane Ida Tapolngon Otno Arang.”

Matyu 4:3

E gute tonari ka waiki tok iye me wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Mak 14:61

E Yesus dau koli urok pelengon kovok. Iye dong vala. Deka gute loulou ina ka mgo pmi iye langane. “Wom Krais ka Ida Tapolngon ka dong egim Otno Arang wom?”

Luk 2:11

Kesua eknikane ke Devit ila armok apmang gesa divir mimi e ma iye polou Upu Luangan ka iye Krais ka Ida Tapolngon rere ma iye lua osep ke urok elio epmes ina e ka iye Upu Puda.

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 11:27

E Marta koli wai langane. “Ee. Ngau Puda aitno lungong dagar wom gute Krais ka Ida Tapolngon rere ma omlua osep ke urok elio epmes ina. Wom Ida Tapolngon Otno Arang ka iye pagei me ke taklak ane.”

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 6:57

Livou ka iye mosongon batne pagei ngong ngame e ngadong batne ke iye e eriar langane gute sei ka ngen pampamu lungong ma iye due mosongon batne ke ngong.

Jon 6:68

E Saimon Pita koli wai langane. “Ipem Puda ma imala imedidi gute sei silang? Kesua wom vala gute ka amwai pelengon ka due osep tidue mosongon ka dong vala dong.

Jon 6:69

E aitno limi dagar e imeile itau wom gute itau lokono ka Ida Tapolngon pagei me ke osep.”

Aposel 14:15

“Osep umoklingen. Umodue elio ane batne lange? Imi ane imi osep eriar langka umu. Eknikane imapaur omon itau ke umu ma umopul dogur ke lumu wan adai ane e aitno lumu la dagar ke Ida Tapolngon ka Tapolngon ka ila mosongon dong ke iye. Oglou ari kodong iye due omur ka egim e omur ka pula keniye e misuon. Iye due wan bitna bitna keniye ka tidong ine.

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

Pas ka Pol sogoe uti la ke osep Rom ina 1:4

Mase iye me dong kap itosep. Alo ka iye dong kap ite Ano Itau dong ke aitno. Iye dong la lama iye mete deka osep tiyas iye ke ina denga e iye munu ine. Mase Ida Tapolngon didi ila arit e due poga tito e dong blang. Ila baulukngon nis itosep Ida Puda Yesus Krais iye tona Ida Tapolngon Otno Arang lokono.

2 Korin 1:19

Ngong e Sailas e Timoti imanapapra Ida Tapolngon Otno Arang Krais Yesus ke umu. E iye tona ila pelengon segesege kovok. Iye wai “Ee” deka iye didi ila pelengon.

2 Korin 3:3

Umodong malak langka pas ka me ke Krais. Ke limem bokongon Krais sogo pas are. Iye sogoe ke ing kovok. Iye sogoe ke Ida Tapolngon ka dong vala dong Ano Itau. E silang iye sogoe ke opmu kovok e iye sogoe ke osep aitno lisak vala.

2 Korin 6:16

Koke Ida Tapolngon ila ninu e sapingen tikaranga tidong pulu? Kesua ite keniye langka Ida Tapolngon ila ninu. Ila pelengon wai langane. “Ma ngadong kap isak e ngalila kap isak. E ma ngadong Inarak Tapolngon e ma tidong lou osep.”

1 Tesalonaika 1:9

Isak tona tiwai ke elio itau ka umodue ke imi alo ka imeme ke umu. Tipalongo urok ke elio ka umopul dogur ke tapolngon yakngan ina e aitno lumu la dagar ke Ida Tapolngon ma umodue ila bokongon. Iye Ida Tapolngon ka lokono e iye dong vala dong.

1 Timoti 3:15

E langka ngame paide kovok amvati pelengon ka ngasogoe ma emile elio itau ka ite ka Ida Tapolngon ila osep itedidie. Ite ka Ida Tapolngon ila osep itodong langka Ida Tapolngon ka dong vala dong ila sios. E sios langka kadanga komdungo ina ka dagar e kis dagar ke Ida Tapolngon ila pelengon.

1 Timoti 4:10

Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.

Hibru 10:31

Deka iteile omur langane. Osep ka Ida Tapolngon ka dong vala dong ules isak ma tinakarkar e tilim omba ke iye.

Hibru 12:22

E umopolou ke gigri langare kovok. Umopolou ke gigri Saion e ke armok Jerusalem ka dong ke omur heven ka Ida Tapolngon dong ine. E ensel pula pula lokono tidong ine e aitno lisak neser omba.

Hibru 3:12

Sipmi. Umeile umu itau lama gute gesa airavu ke umu due elio epmes ina e pono aitno ke Ida Tapolngon. Deka iye pul dogur ke Ida Tapolngon.

Hibru 9:14

Lama elio tonari dong Krais ina marau mole wan keniye inarak marau. Elio kene gesa vri ke Krais kovok deka ke Ano Itau ka dong vala dong iye pli tarna e mete langka osep tidue elio opmu ina ke iye. E iye due aitno lite polou itau lokono deka aitno lite mter kovok ke elio bitna bitna ka karanga lua ite kovok. E itodue Ida Tapolngon ka dong vala dong ila bokongon.

1 Jon 4:15

Gute ka wai Yesus iye Ida Tapolngon Otno Arang Ida Tapolngon dong kap iye e iye dong kap Ida Tapolngon.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

1 Jon 5:5

Osep seisei timole elio bitna bitna ka taklak ina? Osep ka aitno lisak dagar ke Yesus e tile iye Ida Tapolngon Otno Arang isak osep ka timole elio bitna bitna ka taklak ina.

Pelengon kukwopngon 7:2

Deka ngavati ensel silang songon omur ka oklou tito ine e iye tito la. E iye kis Ida Tapolngon ka dong vala dong ila nisngen. E iye gi dagar ke ensel apanal ka Ida Tapolngon kar arit ke isak ma tidue agegeng ke taklak kap misuon.