Matyu 16:14 - Aria New Testament

¹⁴ E tikoli tiwai langane. “Osep leklou tisir iye Jon ka paunim osep e osep leklou blang tisir iye Elaija e osep leklou blang tisir iye Jeremaia koke tisir iye gute napaprangan ina silang.”

Matyu 16:14 ပူးပေါင်းရင်းမြစ်များ

Matyu 14:2

E iye wai ke ila osep bokongon ina langane. “Gute ane iye Jon ka paunim osep e iye poga tito ke ina denga. E ke batne langane iye due arit e karanga due elio arit ina.”

Matyu 16:15

E Yesus pmi isak langane. “E aitno lumu lange? Ngong sei?”

Matyu 17:10

E ila disaipel tipmi iye langane. “Ina lange osep ka tile itau ke Moses ila sogongon tiwai Elaija ma me mgo ke gute ka Ida Tapolngon rere ma iye lua osep?”

Matyu 3:1

Alo ari gute Jon ka paunim osep me ke omur ka dong adai vala ka dong ke omur Judia e napapra ke osep langane.

Mak 6:15

Osep leklou blang tiwai iye gute Elaija ka dong ke oglou ari. E osep leklou blang isak tiwai iye gute napaprangan ina gesa eriar langka osep napaprangan ina ka tidong ke oglou ari.

Mak 8:28

Deka tikoli tiwai langane. “Osep leklou tiwai wom Jon ka paunim osep. E osep leklou tiwai wom Elaija ka dong oglou ari. E osep leklou blang tiwai wom gute napaprangan ina gesa ka oglou ina.”

Luk 9:8

E osep leklou tiwai Elaija polou e osep leklou blang tiwai gute napaprangan ina silang ka oglou dong poga tito ke ina denga.

Jon 1:21

Deka tipmi iye langane. “Deka lange? Wom gute Elaija koke aurou?” E Jon koli wai ke isak langane. “Aurou. Ngong Elaija kovok.” Deka tipmi iye blang langane. “Wom gute napaprangan ina ka itapara ke iye koke aurou?” E Jon koli wai ke isak langane. “Aurou. Ngong gute napaprangan ina tonari kovok.”

Jon 7:12

E osep pula pula tinekeskes pulu ke Yesus. Osep leklou tiwai langane. “Iye gute itau.” E osep leklou blang tiwai langane. “Aurou. Iye yak osep.”

Jon 9:17

E tipmi gute ka oglou bitna evin blang langane. “Amwai gute due emtem polou itau e oku ane amwai lange ine?” Deka gute tonari koli wai ke isak langane. “Iye gute napaprangan ina.”