Matyu 16:13 - Aria New Testament

¹³ Alo ka tipolou ke omur ka armok Sisaria Filipai dong ine Yesus pmi ila disaipel langane. “Osep tiwai lange ke Gute Ka Polou Langka Osep? Tiwai iye sei?”

Matyu 16:13 ပူးပေါင်းရင်းမြစ်များ

Matyu 12:32

E langka gute gesa wai soulu ke Gute Ka Polou Langka Osep io Ida Tapolngon karanga sak ila elio tonari. E langka iye wai soulu ke Ano Itau Ida Tapolngon ma sak ila elio langare kovok ke mosongon ane koke ke mosongon ka ma me.”

Matyu 12:40

Jona dong ke lodu omba pele ke misuon oklou eklu eriar langka Gute Ka Polou Langka Osep ma dong ke ina denga oklou eklu.

Matyu 12:8

Kesua Gute Ka Polou Langka Osep iye oklou sabat ina Puda.”

Matyu 13:37

E iye koli wai langane. “Gute ka la ser londo itau iye Gute Ka Polou Langka Osep.

Matyu 13:41

Gute Ka Polou Langka Osep ma pagei ila ensel e tipi osep ka tidue osep leklou tidue elio epmes ina e tipi osep ka tidue elio epmes ina ke omur ka iye plaue.

Matyu 15:21

E Yesus songon omur are e la ke omur ka armok orwo Tair e Saidon tidong ine.

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Matyu 16:28

Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Matyu 25:31

“Alo ka Gute Ka Polou Langka Osep iding me ke ila bublongon iye ma me kap ila ensel keniye. Deka ma iye dong ke ila kova ka itau lokono.

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Matyu 9:6

E ma nganis umu Gute Ka Polou Langka Osep due arit ma iye karanga sak osep urok elio epmes ina ke taklak ane.” Deka Yesus wai ke gute langane. “Emtito omdue lem omoi e amla ke lem ninu.”

Mak 10:45

Ngong ka Gute Ka Polou Langka Osep ngame kesua lou bokongon lua osep ka pula keniye. Ngame ma ngapli tarna lungong e ngamete ma ngakli osep urok elio epmes ina. E ngame batne ngawaiki osep tilua ngong ke urok bokongon bitna bitna kovok.”

Mak 8:38

Eknikane osep ka pula keniye ka tidong ke taklak ane tidong tidar Ida Tapolngon ila pelengon dagar e tipul dogur ke iye. Langka gute gesa mnak iye ke ngong e ke lou pelengon io mase ma ngong mnak ngong ke iye. Alo ka ngong ka Gute Ka Polou Langka Osep ngabauluk ke taklak blang kap Livou ila bublongon e ila ensel ka itau ma ngong mnak ngong ke gute tonari.”

Jon 1:51

E Yesus wai blang langane. “Ngawai lokono ke umu langane. Mase ma umavati omur heven noklok e Ida Tapolngon ila ensel langka titito e tiduru ke Gute Ka Polou Langka Osep.”

Jon 12:34

E osep pula pula are tikoli tiwai ke iye langane. “Ida Tapolngon ila pelengon dagar wai ke ite ma gute Krais ka Ida Tapolngon rere ma iye lua osep ke urok elio epmes ina ma iye dong vala dong. Ina lange amwai ma osep tidue Gute Ka Polou Langka Osep iye mana ke ina akai? Gute Ka Polou Langka Osep ane iye sei?”

Jon 3:14

Eriar langka Moses kakai mota bras tito ke akai palma alo ka iye dong ke omur ka dong adai vala ma osep tidue Gute Ka Polou Langka Osep tito ke akai.

Jon 5:27

E iye kar arit ke ngong ma ngawade osep urok elio kesua ngong Gute Ka Polou Langka Osep.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 7:56

Deka iye wai langane. “Umoklingen. Ngavati omur heven noklok e ngavati Gute Ka Polou Langka Osep vri ke Ida Tapolngon limla odung.”