Matyu 15:31 - Aria New Testament

³¹ E osep pula pula tonari tidigrik alo ka tivati osep ka tikaranga tiwai kovok tiwai blang e osep ka kamsak limsak timete tikaranga tidue wan ke kamsak limsak blang e osep ka tikaranga tilila kovok tikaranga tilila blang e osep ka amtarsak evin tikaranga tivati omur blang. Osep tivati elio ane e tikakai osep Israel ina Inarak Tapolngon angaine tito la egim.

Matyu 15:31 ပူးပေါင်းရင်းမြစ်များ

Matyu 15:30

E osep pula pula time ke iye e tipaur osep ka tikaranga tilila kovok e osep ka kamsak limsak timete e osep ka amtarsak evin e osep ka tikaranga tiwai kovok e osep pula leklou ka tipaia. E tidue isak tidong olwo boto ke Yesus kamla e iye due isak tipolou itau blang.

Matyu 18:8

E langka lupmu koke kopmu tidue umu umosongon aitno lumu ila dagar deka umoblou e umourie la. Kesua are itau langka umodong e lupmu kene koke kopmu kene dong kovok lama lupmu orwo e kopmu orwo tidong e umala ke omur hel. E ari eiou dong vala dong.

Matyu 21:14

E osep ka amtarsak evin e osep ka kamsak e limsak timete time ke Yesus ke omur ka lelei Ida Tapolngon ila ninu e iye due isak tipolou itau blang.

Matyu 8:10

Yesus klingen gute plaungan ina ila pelengon e iye digrik ine. E iye bauluk e wai ke osep ka tididi iye langane. “Ngawai lokono ke umu. Ke omur Israel ngapado gute kene vala kovok ka aitno ila dagar langka gute ane aitno ila dagar.

Matyu 9:32

Alo ka osep orwo tonari kla osep tipaur gute ka karanga wai kovok kesua angelo soulu dong ke iye. E Yesus sapir angelo soulu tonari.

Matyu 9:33

Alo ka Yesus sapir angelo soulu kodong gute tonari nogrum wai. E osep ka tidong tidigrik e tiwai pulu langane. “Ke oglou elio langane polou ke omur Israel kovok.”

Matyu 9:8

Alo ka osep pula pula tivati elio ka Yesus due tilim ke iye e tikakai Ida Tapolngon angaine kesua iye kar arit langane ke osep.

Mak 2:12

Iye wai langane deka gute ka kamla e limla timete tito deka lokono iye kakai ila bota tito deka songon ninu tonari ke osep pula amtarsak. Deka osep pula aitno lisak digrik omba e tikakai Ida Tapolngon angaine tito la egim lokono ine e tiwai langane. “Oglou imavati elio gesa ka langane kovok.”

Mak 7:37

Deka osep tonari ansak nesik batne ke elio ka iye due. Tiwai langane. “Gute are ila elio keniye itau. Iye lua osep ka talsak pono e tikaranga tiwai kovok ma tikaranga tiklingen pelengon e tikaranga tiwai blang.

Mak 9:43

Langka lupmu gesa due umu umodue elio epmes ina ine ma umobloue kopuk la vala. Langka umoblou lupmu kene kopuk la deka umodue elio epmes ina kovok batne iye dong kovok ane itau vala. Kesua mase ma umodong ke omur heven deka ma lumu mosongon ka itau dong vala dong. E langka lupmu orwo tidong deka umodue elio epmes ina bitna bitna ine e mase umala umokluk ke omur hel are soulu lokono. Kesua eiou ka omur hel dong vala dong e ina yagosngon kovok.”

Luk 14:13

E alo ka ompou rogo empmi osep ka langane ma time. Empmi osep ka urok wan isuk boto vala e osep ka pampamu lisak soulu e osep ka kamsak soulu e osep ka amtarsak evin time.

Luk 14:21

Gute bokongon ina tonari iding e palongo ina puda ine deka gute amnga lokono e wai ke ila gute bokongon ina langane. ‘Omsuong amla ke ekreng omba e ekreng daudeng ke armok ane e omdue osep ka urok wan isuk boto vala e osep ka pampamu lisak soulu e osep ka amtarasak evin e osep ka kamsak soulu ma time.’

Luk 18:43

Deka lokono iye karanga vati omur blang e iye didi Yesus e kakai Ida Tapolngon angaine tito la egim. E alo ka osep ka pula keniye tivati elio ane isak blang tikakai Ida Tapolngon angaine tito la egim.

Luk 7:16

E osep keniye tiulou tarna lisak e tikakai Ida Tapolngon angaine tito e tiwai langane. “Gute napaprangan ina ka angaine omba polou airavu ke ite.” E tiwai silang blang langane. “Ida Tapolngon me ma iye lua ila osep kodong.”

Jon 9:24

E tigi ke gute ka oglou bitna evin blang e tiwai ke iye langane. “Amwai lokono ke Ida Tapolngon bitna ma amwai lokono ke imi. Imeile gute are gute epmes ina.”