Matyu 15:14 - Aria New Testament

¹⁴ Aitno lumu kro ke isak kovok kesua isak langka osep ka amtarsak evin ka tiwaiki tinis osep leklou ka amtarsak evin blang ke ekreng. Isak orwo ma tigene tiduru ke ovuk.”

Matyu 15:14 ပူးပေါင်းရင်းမြစ်များ

Luk 6:39

E iye wai pelengon ano ane ke isak langane. “Gute ka bitna evin karanga nis gute silang ka bitna evin blang ke ekreng kovok. Langka iye waiki due langane isak orwo ma tigene ke ovuk.

Jon 9:39

Deka Yesus wai langane. “Ngame ke taklak ane ma ngawade osep ka pula keniye urok elio. Ma osep ka amtarsak evin tikaranga tivati omur e osep ka tivati omur tipolou langka osep ka amtarsak evin.”

1 Timoti 6:5

E ma tituk orsak pulu e aitno lisak soulu ke osep leklou. Osep ka aitno lisak langane aitno lisak kaka lokono e tile pelengon lokono kovok. Aitno lisak langka Ida Tapolngon ila elio e ila pelengon ekreng ka tididie e ma urok brokngon polou.

2 Pita 2:1

E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

2 Pita 2:17

Osep parerengen yakgan ina isak langka ovuk ka aki polou adai ke taklak ine ka aki dong ine kovok koke isak langka gaup ka engen dagar ipu isak kla. Ida Tapolngon rere omur ka aivoro lokono ke isak.

Pelengon kukwopngon 19:20

Tidue evlei deka gute tonari kap ila osep ola ina tikis ongwa kevena kene ina kap ila gute napaprangan yakngan ina. Gute napaprangan yakngan ina tonari iye gute ka due elio arit ina pula ke ongwa kevena kene ina bitna. E ke elio ane iye yak osep ka pula keniye ka tidue nisngen ke ongwa kevena kene ina e ka tilotuim ila sapingen. Isak orwo dau tidong e timete kovok deka tidue isak e tiuri isak kla ke eiou ombatno ka engil lokono ka opmu salfa ka eiou ngene dong ine blang.

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.