Matyu 14:9 - Aria New Testament

⁹ Herot klingen pelengon tonari e aitno soulu ine e dau iye wai ma osep ola ina tidue langane kesua iye wai promis dagar kodong e osep pula pula ka tingen kap iye tiklingen ine.

Matyu 14:9 ပူးပေါင်းရင်းမြစ်များ

Matyu 14:1

Alo ari gute Herot ka plau omur Galili klingen basikngen ke wan ka Yesus due.

Matyu 14:10

Deka iye pagei osep ola ina ke kalabus ma tiblou Jon otuk ine.

Matyu 14:5

E Herot waiki mter Jon ma iye mete e dau iye due langane kovok kesua iye lim ke osep. Kesua aitno lisak mter langka Jon gute napaprangan ina.

Matyu 14:8

Deka Herodias sruk otopmang aitno deka iye wai ke Herot langane. “Ngawaiki suong amkar ngong Jon ka paunim osep otuk ine ke dis.”

Mak 6:14

Yesus lua osep pula deka osep pula tiklingen ke ila elio. Ari gute Herot ka vri mgo ke urok omur klingen ine blang. Osep leklou ka tiklingen ke Yesus ila elio tiwai iye gute Jon ka oglou paunim osep. Tiwai oglou iye mete e eknikane iye poga tito ke ina denga. E ila arit dong ke iye deka iye karanga due elio arit ina.

Mak 6:20

Kesua gute Herot due anit ke Jon e iye ile Jon iye gute ka dong itau e osuk ke Ida Tapolngon bitna e ila elio isuk isuk keniye itau vala. Deka iye plau Jon itau lama elio soulu polou ke iye. Alo ka gute Herot klingen Jon ila pelengon aitno mter pula ine. E dau iye waiki klingen Jon ila pelengon.

Mak 6:26

Herot klingen apmang tonari ila pelengon deka aitno soulu ine. Kesua iye wai dagar ke apmang tonari ke osep ka tidong lelei ke iye amtarsak. Deka aitno mter iye karanga dar ila pelengon dagar tonari kovok.

Luk 13:32

Deka Yesus koli wai ke isak langane. “Gute Herot langka pokis deka umala e umawai ke iye ngawai langane. ‘Eknikane e kotu ma ngasapir angelo soulu e ngadue osep ka tipaia tipolou itau. Deka ke oklou eklu ina ma ngababrum lou bokongon.’