Matyu 14:31 - Aria New Testament

³¹ E suong Yesus due limla la e kis Pita deka wai langane. “Wom ka aitno lugom ila dagar daudeng ina lange aitno lugom orwo ke ngong?”

Matyu 14:31 ပူးပေါင်းရင်းမြစ်များ

Matyu 14:30

E alo ka Pita vati wan ka engen dagar due iye lim ine e iye nogrum duru ke aki. Deka iye daiku ke Yesus langane. “Ngau Puda omlua ngong.”

Matyu 14:32

E alo ka tisep ke bot engen yagos.

Matyu 16:8

E Yesus ile wan ka tiwai ine e wai ke isak langane. “Umu osep ka aitno lumu ila dagar isuk boto vala. Ina lange umawai pulu ke elio ka umodue bret kovok?

Matyu 17:20

E Yesus wai ke isak langane. “Umakaranga umasapir iye kovok kesua aitno lumu ila dagar sasi boto vala. Ngawai lokono ke umu. Langka aitno lumu ila dagar daudeng langka mastet londo umakaranga umawai ke gigri ma iye songon omur kene e la ke omur silang e gigri ma la. E ma umakaranga umodue elio keniye ka umawaiki umodue.

Matyu 6:30

Wan ka polou adai langka plaua e gras tidong eknikane e kotu osep tiblou isak e tiuri isak ke eiou. E dau Ida Tapolngon due wan tonari bitna langka itau lokono. Langka iye due langane ke wan ka dong isuk boto vala ma iye due wan itau lokono ke umu. Ina lange aitno lumu ila dagar daudeng?

Matyu 8:26

E Yesus koli wai langane. “Ina lange umelim? Aitno lumu ila dagar daudeng vala.” Deka iye tito wai dagar ke engen e boitini ma isak yagos. E lokono isak yagos.

Mak 1:31

Deka iye la polou ke apmang tonari e kis limla deka lokono ina paiangan ka tarna engil yagos. Deka apmang tonari tipa e la kere isak ke inarak ngangon.

Mak 1:41

Yesus vati gute tonari deka aitno kro ke iye e limla la ke iye e kai iye. Deka iye wai langane. “Ngawaiki ngalua wom. Ngap paiangan yagos.”

Mak 11:23

Ngawai ke umu ke pelengon lokono ane. Langka gute gesa aitno dagar ke Ida Tapolngon vala e aitno orwo kovok deka wan ka iye wai itau ke Ida Tapolngon ine ma polou lokono. Langka aitno dagar langane e iye wai ke gigri ka vri are ma iye due iye tona e tapre iye la sep ke misuon deka ma elio didi ila pelengon.”

Mak 16:7

Umala umapalongo Yesus ila disaipel keniye e Pita langane. ‘Yesus poga tito ke ina denga e iye mgo ke umu la ke omur Galili. Ma umavati iye blang ke omur tonari eriar langka oglou iye wai ke umu ine.’”

Mak 4:40

Deka iye wai ke ila disaipel langane. “Anmu nesik batne lange? Aitno lumu dau dagar ke ngong kovok?”

Mak 5:41

Deka Yesus due mimi limla e wai langane. “Talita kumi.” Pelengon ane lana ine langane. “Bela ngawai ke wom emtipa.”

Luk 24:34

E osep ka tiduni pulu tiwai ke isak langane. “Are lokono. Ida Puda poga tito ke ina denga e iye polou ke Saimon bitna.”

Aposel 4:30

Omlua imi ke lem arit e ma lem arit due osep ka tipaia tipolou itau blang. Omlua imi ke lem arit ma imodue elio arit ina bitna bitna ke Yesus ka lem gute bokongon ina ka itau lokono angaine.”

1 Timoti 2:8

Deka ngawaiki ma Ida Tapolngon ila osep ka tidong ke armok ka pula keniye ma tikar aitno lisak ke Ida Tapolngon lokono. E tidong itau lokono e ma tiwai itau ke Ida Tapolngon. E ngawaiki tisongon elio ka aitno lisak nevlik e amnga ke osep.

1 Pita 1:5

Aitno lumu dagar ke Ida Tapolngon deka iye plau umu ke ila arit. Iye waiki lua ite e elio ane ma polou malak alo ka Krais iding me.