Matyu 14:3 - Aria New Testament

^3-4 Ke oglou Herot gi ina aiver Filip ila asap Herodias e aling aling Jon wai ke elio ane langane. “Elio ka omdue osuk e itau kovok.” Deka Herot wai ke osep ola ina ma tipou Jon limla e due sep ke kalabus.

Matyu 14:3 ပူးပေါင်းရင်းမြစ်များ

Matyu 11:2

Alo ari Jon dong ke kalabus e iye klingen omon ke wan ka Krais due deka iye pagei ila disaipel leklou kla ke Yesus.

Matyu 14:6

E alo ka tidue rogo ke oklou ka Herot tna divir iye Herodias otopmang tirie ke osep amtarsak e Herot aitno itau ine.

Matyu 4:12

Mase iye klingen omon osep tidue Jon sep ke kalabus deka iye songon omur are e la ke omur Galili.

Mak 6:14

Yesus lua osep pula deka osep pula tiklingen ke ila elio. Ari gute Herot ka vri mgo ke urok omur klingen ine blang. Osep leklou ka tiklingen ke Yesus ila elio tiwai iye gute Jon ka oglou paunim osep. Tiwai oglou iye mete e eknikane iye poga tito ke ina denga. E ila arit dong ke iye deka iye karanga due elio arit ina.

Mak 6:17

Gute Herot wai langane kesua oglou iye wai ke osep ola ina ma tikis Jon dagar. Deka osep ola ina tikis Jon dagar e tipou iye e tipaur iye la dong ke kalabus. Herot due elio langane ke Jon kesua batne Jon wai pelengon ka bik bitna ke elio ka iye gi ina aiver Filip esna ka angaine Herodias.

Mak 6:19

Deka oklou aling aling apmang Herodias aitno dong engil ke Jon e iye waiki due burwa ke iye ma iye mete. E iye karanga ine kovok.

Mak 6:22

Osep tonari keniye tidong ke rogo deka Herodias otopmang me polou ke amtarsak e tirie. Iye tirie la lama gute Herot gosok osep ka tidong ke rogo aitno lisak itau ke ila tarmai. Deka Herot wai ke apmang tonari langane. “Langka amwaiki ngakar wan gesa e brokngon gesa ke wom deka empmi ngong ine e ma ngadue.”

Mak 8:15

Deka Yesus palongo urok langane. “Umeile umu itau ke osep Farisi ina e gute Herot urok yis e aitno lumu mter itau ine.”

Luk 13:1

Deka osep leklou ka tidong are tibasik ke Yesus ke alo ka Pailot vai osep ola ina ma tidue burwa ke osep Galili ina leklou alo ka tidue elio opmu ina. Deka osep ola ina tibuli osep tonari inarak marau kap ongwa ka tidue elio opmu ina ine inarak marau.

Luk 13:31

Alo ari osep Farisi ina leklou time ke Yesus e tiwai ke iye langane. “Herot waiki osep tidue burwa ke wom e aitno limi langka wan ka itau omsongon omur ane e amla ke omur silang.”

Luk 23:11

Deka Herot kap ila osep ola ina tidue elio soulu e tiwai apok ke iye. E titnei Yesus ke molo ka itau lokono e tivai iye iding ke Pailot.

Luk 23:7

E alo ka iye ile Yesus me ke omur Galili ka Herot plaue iye vai iye ke Herot. Kesua alo ari Herot dong ke Jerusalem blang.

Luk 3:1

Ke tobor songotno elme ina ke alo ka gute Sisar ka angaine Taiberius vri mgo ke osep Rom ina Pontius Pailat plau omur Judia e Herot plau omur emkil Galili. E ina aiver Filip plau omur emkil Ituria e Trakonitis e gute Lisanias plau omur emkil Abilene.

Luk 8:3

E Joana e Susana e apmang pula leklou isak kla kap iye blang. Apmang Joana iye gute Kusa ka plau Herot ila ninu ila asap. Apmang tonari tikar urok wan bitna bitna ma tilua Yesus e ila disaipel ine.

Aposel 12:1

Alo ari gute Herot ka vri mgo ke osep Yuda ina due agegeng polou ke Ida Tapolngon ila osep leklou.

Aposel 4:27

“Pelengon ane ka oglou Devit wai ine polou lokono ko-dong. Oglou Herot orwo Pontius Pailat tigosok osep ka tile Ida Tapolngon kovok e osep Israel ina tiduni pulu ke armok ane. Deka tidue agegeng ke Yesus ka emrere iye lem gute bokongon ina ka itau lokono.