Matyu 14:19 - Aria New Testament

¹⁹ E Yesus wai ke osep pula pula ma tidong ke gras. Deka iye due bret elme e lodu orwo e bitna tito la ke omur heven e iye wai tenkyu ke Ida Tapolngon ine. Deka iye tuktuk isak e kar isak ke ila disaipel e tikar isak ke osep.

Matyu 14:19 ပူးပေါင်းရင်းမြစ်များ

Matyu 14:18

E Yesus wai langane. “Umapaur bret e lodu me ke ngong.”

Mak 6:39

Deka Yesus wai ke osep pula ma isak tidong ke gras.

Mak 6:41

Tiduni pulu yagos deka Yesus due bret elme e lodu orwo tonari deka bitna tito la ke omur ka egim deka iye wai tenkyu ke Ida Tapolngon ine. Iye wai tenkyu yagos deka iye tuktuk bret tonari e kare ke ila disaipel ma titongo ine ke osep ka pula keniye. E iye due lodu orwo tonari e tuktuk isak karanga osep ka pula keniye.

Mak 7:34

Deka bitna tito la ke omur heven e iye songsong netir deka wai ke gute tonari langane. “Efata.” Pelengon ane lana ine langane. “Talap tinopok.”

Luk 22:17

E iye due kap ka aki wain dong ine e wai tenkyu ke Ida Tapolngon ine deka wai ke isak langane. “Umodue kap ane e umotongo ine ke umu.

Luk 22:19

E iye due bret e wai tenkyu ke Ida Tapolngon ine e tuktuke e kare ke isak e wai langane. “Bret ane pampamu lungong ka ngakare ma lua umu. Aling aling alo ka umengen bret langane omtomu sisir ke ngong.”

Luk 24:30

Alo ka tidong ke bota e tiwaiki tingen Yesus due bret gesa e wai tenkyu ke Ida Tapolngon ine e tuktuke e kare ke isak.

Luk 9:14

Kesua osep arang langka inarak sasa 5,000 tidong are. Deka iye wai ke ila disaipel langane. “Umawai ke isak ma tiduni pulu langka iselme iselme e tidong ke taklak.”

Luk 9:16

Deka Yesus due bret elme e lodu orwo e bitna tito ke omur heven e iye wai tenkyu ke Ida Tapolngon ine. Deka iye tuktuk isak e kar isak ke ila disaipel e tikar isak ke osep pula pula are.

Jon 11:41

Yesus wai langane deka titabulbul opmu ka kading omus bitna la. Deka Yesus bitna tito e wai langane. “Livou aitno lungong itau ke wom kesua emklingen ngong alo ka ngawai itau ke wom.

Jon 6:23

Deka bot daudeng leklou songon armok Taiberias e me ke aki ina dingen batne ka olwo boto ke omur ka Ida Puda wai tenkyu ke Ida Tapolngon ke bret deka osep tingene.

Aposel 27:35

Pol wai langane yagos deka iye due bret gesa e wai tenkyu ke Ida Tapolngon ine ke osep keniye amtarsak. Deka iye tuke e ngene.

Pas ka Pol sogoe uti la ke osep Rom ina 14:6

Gute ka aitno mter oklou kene mole oklou silang due elio langane kesua iye waiki kakai Ida Puda angaine ine. E gute ka ngen wan ka pula keniye aitno la ke Ida Puda deka iye ngene. Kesua iye wai tenkyu ke Ida Tapolngon deka ngene. E gute ka ngen wan ka pula keniye kovok aitno la ke Ida Puda blang deka iye dangdang iye ke ngangon leklou. E iye wai tenkyu ke Ida Tapolngon blang.

1 Korin 10:16

Kap ka iteinim aki wain ka elio komunio ina e itawai itau ke Ida Tapolngon ine alo ka iteinime due ite ka pula keniye iteneklep ke Krais ina marau. E bret ka kene ka itotuktuke alo ka itangene due ite iteneklep ke Krais pampamu ine.

1 Korin 10:31

E langane. Langka umangen ngangon koke umeinim aki koke umodue wan silang blang ma umakakai Ida Tapolngon angaine ine.

1 Korin 11:24

E iye wai tenkyu ke Ida Tapolngon ine deka tuktuke deka iye wai ke ila disaipel langane. “Wan ane pampamu lungong ka ngakare ke umu ma lua umu. Ma umangene ma omtomu sisir ngong.”

Kolosi 3:17

Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.