Matyu 13:52 - Aria New Testament

⁵² E Yesus wai ke isak langane. “Deka osep ka tile itau ke Moses ila sogongon e silang blang tile itau ke elio ka Ida Tapolngon plau osep isak langka gute ka dong ke ila ninu. Iye la ke eliang ka ila wan itau lokono dong ine e iye due wan itau ka oku ina e wan itau ka oglou ina.”

Matyu 13:52 ပူးပေါင်းရင်းမြစ်များ

Matyu 12:35

Osep ka itau tididi aitno lisak ka itau e tidue elio itau e osep ka soulu tididi aitno lisak ka soulu e tidue elio soulu.

Matyu 13:51

Deka Yesus pmi isak langane. “Umeile ke wan ka ngawai ine kodong?” E tikoli tiwai langane. “Ee.”

Matyu 13:53

E alo ka Yesus wai pelengon ano tonari yagos iye songon omur are.

Matyu 23:34

Ke batne langane ma ngapagei osep napaprangan ina e osep ka urok ilengen omba e osep ka tiparere umu ke Ida Tapolngon ila pelengon ke umu. E umodue burwa ke isak leklou e umenilim isak leklou ke inarak akai e umoules isak leklou ke lumu duningen ina ninu e umesik isak kla ke armok armok.

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Luk 11:49

Oglou Ida Tapolngon ka ila ilengen ombatno wai langane. ‘Ma ngapagei osep napaprangan ina e osep aposel ina ke osep. Ma osep tidue burwa ke isak leklou e ma tidue agegeng ke isak leklou silang.’

Jon 13:34

Ngakar pelengon dagar oku ina ke umu langane. Ma umu lana umu pulu. Eriar langka ngong lana ngong ke umu io umu lana umu pulu.

2 Korin 6:10

Aling pula aitno limi kro ke elio soulu ka polou ke imi e dau aling aling aitno limi neser. Imodong langka osep ka urok mani isuk boto vala e dau limem bokongon lua osep pula ma tidong itau. Limem wan bitna bitna ka taklak ina pula kovok e dau Ida Tapolngon lua imi ke ila kerengen ka itau.

Efesus 3:4

Langka umedidi pelengon ka dong ke pas ane ma umeile omur ke wan ka iye laloe ka langane. Ma umeile omur Ida Tapolngon due aitno lungong mgo. E ngaile omur ke pelengon lokono ka oglou osep tile ine kovok. E Krais due polou lokono kodong.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Kolosi 1:7

Gute Epafras iye napapra omon itau ke umu e umeile ine. Epafras iye Krais ila gute bokongon ina ka itau e iye due bokongon eriar langka imi e imi lana imi ke iye lokono. Iye lua umu e due Krais ila bokongon itau.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

1 Timoti 3:6

Gute ka Kristen oku iye karanga polou sios ina plaungan kovok. Lama aitno mter langka iye gute ka itau lokono e tala kovok. Langka Satan ka tala klingen kovok. Deka ma Ida Tapolngon mulu iye langka iye mulu Satan.

Taitus 1:9

Iye kis Ida Tapolngon ila pelengon ka lokono ka oglou osep tiparere iye ine dagar. Iye due langane deka iye karanga parere osep ke pelengon lokono ma osep aitno lisak dagar ine. E iye karanga wai dagar ke osep ka tiwaiki tituk pelengon tonari ma tile omur urok pelengon yakngan vala.