Matyu 13:47 - Aria New Testament

⁴⁷ “E silang omur ka Ida Tapolngon plaue langka omdu lodu ina ka osep tiuri ke misuon e omdu due lodu bitna bitna pula.

Matyu 13:47 ပူးပေါင်းရင်းမြစ်များ

Matyu 13:44

“Omur ka Ida Tapolngon plaue langka wan itau lokono ka ina klingen ombatno ka osep tikukwope ke yage. E gute silang padoe e kukwope ke omur silang deka aitno neser omba e iye la due burong ke ila wan keniye e kli yage tonari.”

Matyu 13:46

E iye pado bis itau kene ka ina klingen omba lokono deka iye la due burong ke ila wan keniye e kli bis itau tonari.”

Matyu 13:48

E alo ka omdu bon osep tiririe la ke misuon ina dingen batne. Deka tidong e tidue lodu ka itau tisep ke kerka e titapre lodu ka sasi.

Matyu 4:19

Yesus vati isak e wai ke isak langane. “Umedidi ngong e langka oku ane umoboko ma umodue lodu ma ngaparere umu ke elio ka mase ma umodue osep tididi ngong.”

Mak 1:17

Deka Yesus wai ke isak langane. “Eknikane umoboko ma umodue lodu. E umomo umedidi ngong e ma ngaparere umu ke elio ka umodue osep tididi ngong blang.”

Luk 5:10

E Jems e Jon ka isak Sebedi titno arang ka tiboko kap Saimon tidigrik blang. Deka Yesus wai ke Saimon langane. “Emlim kovok. Kesua oglou omboko ma omkngo lodu e nogrum ke oku ane lila la ma omboko ma omdue osep ma tididi ngong.”

Jon 15:2

E Livou blou galou wain palma tonari tetna ka tiusu otna kovok e uri isak la. E galou wain palma tetna ka tiusu otna Livou pi elilo ka sasi ma tetna tonari usu otna pula.

Jon 15:6

Langka gute gesa dong dagar ke ngong kovok ane langka osep tiblou e tiuri tetna ka sasi e tetna tonari polou kakrak. Deka osep tigom tetna ka kakrak e tiuri isak ke eiou e eiou ngen isak.”

Aposel 20:30

­E silang blang langane. Mase ma supmu leklou tipolou ka tibuli urok pelengon kap Ida Tapolngon ila pelengon e ma tikar pelengon yakngan ke umu. Kesua tiwaiki osep ka aitno lisak dagar ke Yesus tididi urok pelengon vala.

1 Korin 11:19

Deka aitno lungong mter langka lumu duningen bitna langka dar boto ma umeile itau ke osep ka aitno lisak dagar ke Ida Tapolngon ila elio itau.

2 Korin 11:26

Aling pula ngalila ngala ke omur mawa e lou langan pula kakluk metengen. Langan tonari kakluk metengen ke aki e ke osep panakongon ina e ke osep ka lou osua e ke osep ka isak osep Yuda ina kovok. E lou langan kakluk metengen ke armok e ke omur ka dong adai vala e ke misuon e ke osep Kristen yakngan ina.

Galesia 2:4

Osep leklou ka isak sudo yakngan ina time tisep ke limem duningen e tidong langka esim. Ma tivati wansua ka Krais due ke ite alo ka iye lua ite ke udo elio epmes ina e iye pi ite ma itodong moli ke Moses ila sogongon kovok. Osep tonari tiwaiki tidue ite ma itodong ke kalabus ke Moses ila songongon.

Pelengon kukwopngon 3:1

Gute tonari wai blang langane. “Omsogo pelengon ke ensel ka dong ke sios ke Sardis. Pelengon tonari langane. Gute ka plau Ida Tapolngon ano lumorwo e kis gigimo lumorwo wai langane. ‘Ngaile elio bitna bitna ka umodue kodong. Osep tiwai ke lumu elio langane. “Sios are didi Ida Tapolngon lokono.” E langane kovok. Umu langka umemete kodong.