Matyu 13:44 - Aria New Testament

⁴⁴ “Omur ka Ida Tapolngon plaue langka wan itau lokono ka ina klingen ombatno ka osep tikukwope ke yage. E gute silang padoe e kukwope ke omur silang deka aitno neser omba e iye la due burong ke ila wan keniye e kli yage tonari.”

Matyu 13:44 ပူးပေါင်းရင်းမြစ်များ

Matyu 13:24

E Yesus wai pelengon ano silang langane. “Omur heven ka Ida Tapolngon plaue iye langka gute ka lila ser londo itau ke ila yage.

Matyu 13:46

E iye pado bis itau kene ka ina klingen omba lokono deka iye la due burong ke ila wan keniye e kli bis itau tonari.”

Matyu 13:47

“E silang omur ka Ida Tapolngon plaue langka omdu lodu ina ka osep tiuri ke misuon e omdu due lodu bitna bitna pula.

Matyu 19:21

E Yesus wai ke iye langane. “Langka amwaiki ompolou itau lokono e omdue mosongon ka dong vala dong amla omdue burong ke lem brokngon e amkar lem mani ke osep ka urok wan isuk boto vala. Omdue langane e ma omdue lem wan itau lokono ka dong ke omur heven deka omo emdidi ngong.”

Matyu 19:27

Deka Pita wai langane. “Io imosongon wan ka pula keniye ma imedidi wom. Lange ma Ida Tapolngon koli batne ke imi?”

Matyu 19:29

E gute gesa ka songon ila ninu koke ina saiver koke ina titovro koke sulutno koke timla koke tna koke titno koke ila yage kesua batne iye didi ngong ma iye due wan tonari polou langka aling bunokene. E ma iye due mosongon ka dong vala dong.

Matyu 6:21

Omur ka lumu wan itau lokono tidong ine io aitno lumu tidong are blang.”

Luk 14:33

E lang­ane ke umu blang. Langka umosongon lumu wan keniye kovok umakaranga umodong lou disaipel kovok.”

Jon 6:35

Deka Yesus wai ke isak langane. “Ngong bret ka kar mosongon ke osep. Gute sei ka me ke ngong ma sapanga due kovok e gute sei ka aitno la dagar ke ngong ma aki vel iye kovok.

Pas ka Pol sogoe uti la ke osep Rom ina 15:4

Pelengon ka pula keniye ka oglou osep tisogoe ke Ida Tapolngon ila pelengon tisogoe ma pelengon tonari parere ite. Pelengon ma due aitno lite dagar e ma due ite itevri dagar e itapara ke alo ka Ida Tapolngon ma due ite.

Kolosi 2:3

Krais ile ilengen itau keniye e elio itau keniye e iye karanga lua osep ma tile ine blang.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

Hibru 10:34

E alo ka osep tidue lumu saten tisep ke kalabus deka aitno lumu langka umodong ke kalabus kap isak. E alo ka osep tipi lumu wan deka aitno lumu epen ine kesua umeile lumu wan ka mole wan tonari dong para ke umu ke omur heven.

Pelengon kukwopngon 3:18

Deka ngawaiki ngakar pelengon ane ke umu. Lou gol ka eiou ngene ma wan sasi dong ine kovok dong. Are itau ma umekli gol tonari ke ngong deka lumu mani pula dong. E are itau ma umekli klos okou ka kading tarna lumu. Deka osep ma tikaranga tivati umu albus umu kovok e umu mnak umu ine kovok. E itau ma umekli marasin ka umodue sep ke omtomu ma umakaranga umavati omur itau.