Matyu 13:37 - Aria New Testament

³⁷ E iye koli wai langane. “Gute ka la ser londo itau iye Gute Ka Polou Langka Osep.

Matyu 13:37 ပူးပေါင်းရင်းမြစ်များ

Matyu 10:40

“Gute gesa ka due umu umesep ke ila ninu due ngong ngasep blang. E gute ka due ngong ngasep ke ila ninu due gute ka pagei ngong ngame iye sep blang.

Matyu 13:24

E Yesus wai pelengon ano silang langane. “Omur heven ka Ida Tapolngon plaue iye langka gute ka lila ser londo itau ke ila yage.

Matyu 13:27

E gute tonari ila wokboi nating time ke iye e tiwai langane. ‘Ipem puda emser londo itau ke yage i? Ina lange aswei tipolou ke yage blang?’

Matyu 13:4

Iye ser londo e londo leklou tiduru timunu ke ekreng e monuk time tingen londo tonari.

Matyu 13:41

Gute Ka Polou Langka Osep ma pagei ila ensel e tipi osep ka tidue osep leklou tidue elio epmes ina e tipi osep ka tidue elio epmes ina ke omur ka iye plaue.

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Luk 10:16

E Yesus wai ke ila osep bokongon ina tonari langane. “Gute ka klingen lumu pelengon klingen lou pelengon blang e gute ka pli umu pli ngong blang. E gute ka pli ngong pli Ida Tapolngon ka pagei ngong ngame.”

Jon 13:20

Ngawai lokono ke umu langane. Langka osep aitno lisak itau ke osep ka ngapagei isak deka aitno lisak itau ke ngong blang. E langka aitno lisak itau ke ngong deka aitno lisak itau ke Ida Tapolngon ka pagei ngong ngame blang.”

Jon 20:21

Deka Yesus wai ke isak blang langane. “Aitno lumu dong epen. Eriar langka Livou pagei ngong ngame ngapagei umu umala.”

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Pas ka Pol sogoe uti la ke osep Rom ina 15:18

E ma ngawai ke wan silang blang kovok. Aurou. Ma ngawai ke wan kene vala. Ngawai ke bokongon ka Krais lua ngong ine. Kesua lou bokongon e lou pelengon due osep ka isak osep Yuda ina kovok ma tini Ida Tapolngon ila pelengon.

Hibru 1:1

Ke oglou Ida Tapolngon due osep napaprangan ina tiwai ila pelengon ke udo seia. Iye due langane aling pula e ke elio bitna bitna pula.

Hibru 2:3

Deka oku ane langane. Langka itopul dogur ke elio ka Ida Tapolngon lua ite ke udo elio epmes ina ka mole Moses ila sogongon tonari ma itokos ke Ida Tapolngon ila wadengen kovok. Mgo Ida Puda napapra Ida Tapolngon ila pelengon itau ka karanga lua ite ke udo elio epmes ina. Deka osep ka tiklingen ine tipalongo udo langane. Pelengon tonari pelengon lokono.