Matyu 13:35 - Aria New Testament

³⁵ Ma pelengon ka gute napaprangan ina kene wai polou lokono. Pelengon tonari langane. “Ma ngawai pelengon ano ke pelengon ka oglou dong kukwop alo ka Ida Tapolngon tapol wan ka pula keniye e me ke oku ane.”

Matyu 13:35 ပူးပေါင်းရင်းမြစ်များ

Matyu 13:14

E pelengon ka gute napaprangan ina Aisaia wai ine polou lokono ke isak. Iye wai langane. ‘Ma umoklingen wan aling aling e dau umeile ine kovok e ma umavati wan aling aling e dau umavati itau kovok.

Matyu 13:3

Deka iye wai pelengon ano pula e parere isak. Iye wai langane. “Gute yage ina la ser wit londo ke ila yage.

Matyu 25:34

Deka ma gute ka vri mgo ke omur are wai ke osep ka tidong ke galna odung langane. ‘Umu osep ka Livou due aitno lumu itau itau umomo e umodue omur ka Ida Tapolngon rere ke umu alo ka iye tapol wan ka pula keniye.

Matyu 5:2

E iye nogrum parere isak langane.

Luk 10:14

E alo ka Ida Tapolngon wade osep urok elio soulu upu ulesngen ma mole osep Tair ina e osep Saidon ina inarak ulesngen.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Aposel 15:18

Ida Puda wai pelengon tonari kodong e due osep tile ine oglou lila me kodong.’”

1 Korin 2:7

Imanapapra pelengon itau e Ida Tapolngon ila ilengen itau ka oglou iye kukwope ke osep ke umu. Alo ka Ida Tapolngon dau tapol taklak kovok iye ile kodong e iye rere oklou ka ma iye due umu umodong kap iye ke omur heven.

Efesus 3:5

Oglou Ida Tapolngon palongo osep ke pelengon lokono tonari kovok. E osep dau tile ine kovok. E alo ane Ida Tapolngon Ano Itau due ila aposel e osep napaprangan ina ka iye rere isak e palongo urok ine.

Efesus 3:9

Oglou ari Ida Tapolngon due wan bitna bitna keniye ka tidong. Alo ari pelengon leklou polou malak kovok. Iye bisi ine ke aitno vala e osep tile ine kovok. E pelengon tonari dong ke iye vala. E eknikane langane. Ida Tapolngon rere ngong ma nganapapra ila pelengon tonari. Kesua iye waiki osep tile omur ke elio ka iye due kodong e waiki pelengon tonari polou malak ke osep.

Hibru 1:1

Ke oglou Ida Tapolngon due osep napaprangan ina tiwai ila pelengon ke udo seia. Iye due langane aling pula e ke elio bitna bitna pula.

Pelengon kukwopngon 13:8

Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.

Pelengon kukwopngon 17:8

Ongwa kevena ka amvati iye dong ke oglou e eknikane dong kovok e isuk boto ma iye tito ke ovuk ka duru la ke moli lokono e me deka Ida Tapolngon ma due agegeng ke iye ma iye yagos. E osep ka tidong ke taklak ka angainsak tidong ke Ida Tapolngon ila buk ka mosongon ina kovok nogrum ke alo ka Ida Tapolngon due taklak ma tidigrik e aitno lisak mter pula ine. Kesua ke oglou ongwa tonari dong e eknikane iye dong kovok e mase ma iye dong blang.”