Matyu 13:25 - Aria New Testament

²⁵ E ke epmes kene alo ka iye munu kudung ina oul gesa me ser londo sasi ke yage wit ina blang deka iye la.

Matyu 13:25 ပူးပေါင်းရင်းမြစ်များ

Matyu 13:24

E Yesus wai pelengon ano silang langane. “Omur heven ka Ida Tapolngon plaue iye langka gute ka lila ser londo itau ke ila yage.

Matyu 13:26

E alo ka wit erine tipolou e isuk boto tiusu deka aswei tipolou blang.

Matyu 13:27

E gute tonari ila wokboi nating time ke iye e tiwai langane. ‘Ipem puda emser londo itau ke yage i? Ina lange aswei tipolou ke yage blang?’

Matyu 13:29

E gute koli wai langane. ‘Aurou. Lama alo ka umepi aswei umepi wit erine blang.

Matyu 13:30

Itosongon isak orwo tidong la lama alo ka itepi wit ka anino. Alo ari ma ngawai ke osep ka tipi wit langane. “Mgo umodue aswei e umegilgil isak ma mase eiou ngen isak. Deka umodue wit sep ke lou yage ila ngangon ina ninu.”’”

Matyu 13:39

E oul ka me ser londo sasi iye Satan e alo ka osep tipi wan iye alo ka taklak yagos. E osep ka tipi wan itau isak Ida Tapolngon ila ensel.

Matyu 25:5

E alo ka gute ka ma gi me dau kovok isak keniye amtarsak bunga e timunu kudung.

Galesia 2:4

Osep leklou ka isak sudo yakngan ina time tisep ke limem duningen e tidong langka esim. Ma tivati wansua ka Krais due ke ite alo ka iye lua ite ke udo elio epmes ina e iye pi ite ma itodong moli ke Moses ila sogongon kovok. Osep tonari tiwaiki tidue ite ma itodong ke kalabus ke Moses ila songongon.

Hibru 12:15

Umeile umu itau lama umopul dogur ke Ida Tapolngon ila makaingan. E umeile umu itau lama gute gesa airavu ke umu polou langka wan ka meli e ila elio due elio soulu polou ke osep leklou e elio tonari due asmel ke osep pula.

1 Pita 5:8

Umeile umu itau e umaplau umu itau kesua upu oul Satan lila tamtam langka laion ka wai omba e krim Ida Tapolngon ila osep ma iye due pogle ke isak.

2 Pita 2:1

E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 13:14

Ida Tapolngon songon iye ma iye due elio arit ina bitna bitna ke ongwa kevena kene ina bitna. Ke elio langane iye yak osep ka pula keniye ka tidong ke taklak. E iye wai ke osep langane. “Umodue sapingen ke ongwa kevena kene ina ka oglou timter iye ke elil omba e eknikane iye dong. Ma umodue anit ke iye.”

Pelengon kukwopngon 2:20

“E lama umodue elio itau lou pelengon kene ke umu langane. Umosongon apmang ka angaine Jesebel dong kap umu. Apmang tonari wai langane. ‘Ngong apmang napaprangan ina.’ E iye yak lou osep wokboi nating ke ila parere-ngen e iye nis isak ke elio okwa e ke elio ka tingen ongwa ka tidue elio opmu ina ine ke sapingen leklou.