Matyu 13:21 - Aria New Testament

²¹ E aitno dagar ine langka wan gigitno dagar ke taklak kovok. Aurou. Iye dong isuk boto vala e alo ka agegeng koke elio soulu polou ke iye batne ke Ida Tapolngon ila pelengon deka suong iye songon pelengon tonari.

Matyu 13:21 ပူးပေါင်းရင်းမြစ်များ

Matyu 10:22

E ma osep aitno lisak engil lokono ke umu batne aitno lumu dagar ke ngong. E langka aitno lumu dagar la lama wan ka pula keniye yagos ma Ida Tapolngon lua umu.

Matyu 11:6

E Ida Tapolngon due elio itau itau ke osep ka aitno lisak dagar ke ngong e orwo kovok.”

Matyu 13:20

E wit londo ka tiduru timunu ke taklak ka isuk boto vala ka napal munu ke opmu tona isak eriar langka gute ka klingen Ida Tapolngon ila pelengon e suong due e aitno neser ine.

Matyu 13:57

E aitno lisak soulu ke Yesus. Deka Yesus wai ke isak langane. “Osep pula tidue anit ke gute napaprangan ina e dau osep ke ila armok batne e ke ila osua tidue anit ke iye kovok.”

Matyu 13:6

Deka alo ka oklou tito wit erine suong tipolou kakrak kesua gigitno pula kovok.

Matyu 24:13

E gute gesa ka aitno dong dagar la lama wan yagos ma Ida Tapolngon lua iye.

Matyu 26:31

Deka Yesus wai ke isak langane. “Ke epmes ane umu keniye ma umoulou e umosongon ngong. Kesua Ida Tapolngon ila pelengon wai langane. ‘Ma ngamluk sipsip ina plaungan e ma sipsip tidardar kla.’

Matyu 26:33

E Pita wai ke iye dagar langane. “Lama isak keniye tiulou e tisongon wom ma ngasongon wom kovok.”

Mak 4:17

Aitno lisak neser ine e aitno lisak la dagar lokono ine kovok. Aitno lisak la dagar ine isuk boto vala langka wit ka gigitno isuk boto vala. E alo ka osep tidue agegeng ke isak koke tisokluk ine batne ke pelengon tonari deka lokono tisongone. Tidue elio langane kesua batne aitno lisak la dagar isuk boto vala.

Luk 8:13

E londo ka tiduru timunu ke taklak ka isuk boto vala ka napal munu ke opmu tona isak langka osep ka tiklingen omon itau e suong bara lisak due e aitno lisak neser ine. E dau tidong dagar ine kovok kesua isak langka wit erine ka gigitno kovok e aitno lisak dagar sasi boto vala e alo ka tokngon polou ke isak io tisongon aitno lisak ila dagar.

Jon 6:26

E Yesus koli wai ke isak langane. “Ngawai lokono ke umu langane. Aitno lumu mter ke elio arit ina ka nisngen ka ngadue deka umekrim ke ngong kovok. Aurou. Umekrim ke ngong kesua umangen bret e umogot.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Galesia 6:12

Umoklingen. Osep ka isak arit isak lokono ka tidue elio ulangngan ina ke umu tidue langane kesua tiwaiki tikakai angainsak ke osep leklou amtarsak. E tidue langane kesua tiwaiki osep leklou tile langane kovok. Aitno lisak dagar ke Krais ka mete ke ina akai. E tiwaiki osep tidue agegeng ke isak ine kovok.

Galesia 6:15

Elio ulangngan ina iye wan adai e elio ka gute gesa ulang merge kovok iye blang wan adai. Ida Tapolngon due ite itopolou oku ina e elio ane iye wan omba lokono.

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

Filipai 1:6

E ngaile langane. Oglou Ida Tapolngon nogrum ila bokongon ke aitno lumu e eknikane iye dau boko ke aitno lumu la lama iding ke alo ka Krais Yesus ma iding me.

2 Timoti 1:15

Emile omur osep ka pula keniye ka tidong ke provins Esia tisongon ngong kodong. E gute Figelus e gute Hermogenes tisongon ngong blang.

2 Timoti 4:10

Kesua gute Demas aitno la ke wan bitna bitna ka taklak ina e iye songon ngong kodong e la ke armok Tesalonaika. E gute Kresens la ke provins Galesia e gute Taitus la ke omur Dalmesia.

Jems 3:2

Umeile ite ka pula keniye aling pula itodue elio soulu e langka gute wai pelengon soulu kovok iye gute ka itau lokono e karanga plau pampamu ine itau.

1 Pita 1:5

Aitno lumu dagar ke Ida Tapolngon deka iye plau umu ke ila arit. Iye waiki lua ite e elio ane ma polou malak alo ka Krais iding me.

Pelengon kukwopngon 2:13

‘Ngaile omur ke armok ka umodong ine. Satan ila kova dong ke armok tonari. E ke oglou lila me aitno lumu dong dagar ke ngong e umosongon aitno lumu ila dagar kovok. Umodong dagar lama oglou osep timluk gute Antipas ma iye mete. Iye dong kap umu e napapra lou pelengon e didie deka osep timluk iye ma iye mete. Iye mete ke lumu armok ka Satan dong ine.’”