Matyu 12:50 - Aria New Testament

⁵⁰ Gute gesa ka ini Livou ka dong ke omur heven iye ngau aiver koke luku koke nina.”

Matyu 12:50 ပူးပေါင်းရင်းမြစ်များ

Matyu 12:49

Deka limla nis isak ke ila disaipel e iye wai langane. “Isak nina e ngau saiver.

Matyu 13:1

Ke oklou tonari Yesus songon ninu are e la ke elim Galili ina dingen batne e iye duru dong ine.

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Matyu 25:45

Deka gute ka vri mgo ke omur ma koli wai ke isak langane. ‘Ngawai lokono ke umu. Langka umodue elio tonari kovok ke lou osua lama angainsak daudeng e tidong moli ke osep leklou umodue ke ngong kovok blang.’”

Matyu 28:10

Deka Yesus wai ke isak langane. “Umelim kovok e umala umapalongo lou osua ma isak kla ke omur Galili e ma tivati ngong ari.”

Mak 3:35

Gute sei ka didi Ida Tapolngon aitno iye ngau aiver e luku e nina.”

Luk 8:21

E Yesus koli wai langane. “Nina e ngau saiver isak osep ka tiklingen Ida Tapolngon ila pelengon e tididie.”

Jon 15:14

Langka umeini e umedidi wan ka ngawai dagar ine deka umu lou saten.

Jon 20:17

E Yesus wai ke iye blang langane. “Emkis ngong dagar kovok kesua ngatito ke Livou dau kovok. E amla e amwai ke sipmi ngawai langane. ‘Ma ngatito ke Livou e Pmomu blang. E iye Tapolngon ka ngalotuim iye e iye Tapolngon ka umolotuim iye blang.’”

Jon 6:29

E Yesus koli wai ke isak langane. “Ida Tapolngon waiki umodue elio langane. Ma aitno lumu la dagar ke gute ka iye pagei ke umu.”

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

Aposel 17:30

Oglou ari itosep aitno lite kaka ke Ida Tapolngon e aitno mter ine vala. E iye ules ite ine kovok. Eknikane Ida Tapolngon wai dagar ke osep ka pula keniye ma tibauluk aitno lisak ke urok elio epmes ina e aitno lisak la dagar ke iye vala.

Aposel 26:20

Ari mgongon nganapapra Ida Tapolngon ila pelengon ke osep ka tidong ke Damaskus. Deka nganapapra ke osep ka tidong ke Jerusalem. Deka nganapapra ke osep ka tidong ke omur Judia. Deka nganapapra ke osep ka isak osep Yuda ina kovok. Nganapapra ke isak keniye langane. ‘Osep umabauluk aitno lumu ke lumu elio epmes ina e aitno lumu la dagar ke Ida Tapolngon vala. Deka umodue elio itau ka nis osep umabauluk aitno lumu ke lumu elio epmes ina kodong.’

Pas ka Pol sogoe uti la ke osep Rom ina 8:29

Oglou ari Ida Tapolngon rere ite kodong ma itopolou eriar langka Otno Arang Yesus. Iye rere ite deka Yesus ina saiver ite e ida tovro iye.

1 Korin 9:5

Imakaranga imegi apmang ka aitno lisak dagar ke Yesus e imodue isak kla tilila kap imi langka osep aposel leklou e Ida Puda ina saiver e Pita tidue koke aurou?

2 Korin 11:2

Ngong lana ngong ke umu langka Ida Tapolngon lana iye ke umu. E ngarere umu langka umegi Krais e ngawaiki umodong itau lokono langka apmang ka dau due elio kap gute kovok aitno la ke gute ka iye ma gi iye.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Galesia 6:15

Elio ulangngan ina iye wan adai e elio ka gute gesa ulang merge kovok iye blang wan adai. Ida Tapolngon due ite itopolou oku ina e elio ane iye wan omba lokono.

Kolosi 3:11

Ida Tapolngon lua ila osep ka pula keniye ke urok mosongon oku e aitno lite langane. Langka ite leklou osep Yuda ina e ite leklou osep ka isak osep Yuda ina kovok aitno lite mter ine kovok. E langka ite leklou itedidi elio ulangngan ina e ite leklou itedidi elio ulangngan ina kovok aitno lite mter ine kovok. E langka ite leklou osep ke kantri silang koke ite leklou osep omong aitno ina aitno lite mter ine kovok. E langka ite leklou langka wokboi nating e ite leklou langka itodong fri aitno lite mter ine kovok. Aitno lite mter langane kovok kesua Krais vala dong e iye dong ke aitno lite.

1 Timoti 5:2

E omdue elio itau blang ke apmang ka namor langka omdue ke ngap aiya. E omdue elio itau blang ke apmang belbela langka omdue ke sulup. Aitno lugom mter ke elio silang blang kovok.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

1 Pita 4:2

E oku ane la lama iding ke alo ka lumu maglakngan yagos umedidi elio bitna bitna ka pampamu lumu waiki umodue kovok. Aurou. Umedidi Ida Tapolngon aitno vala.

1 Jon 2:17

Mase taklak ane e wan ka pula keniye ka taklak ina ma tipolou yagos. E gute ka didi Ida Tapolngon aitno ma dong vala dong.

Pelengon kukwopngon 22:14

Osep ka tigrong urok molo ka alang ma aitno lisak itau itau. Kesua tikaranga tidue wan otna ke akai ka mosongon ina e ma tikaranga tisep ke armok ke ina ekreng bitna.