Matyu 12:46 - Aria New Testament

⁴⁶ Yesus dau wai ke osep pula pula deka tna e ina saiver tipolou e tivri ke ninu dogur kesua tiwaiki tiwai ke Yesus.

Matyu 12:46 ပူးပေါင်းရင်းမြစ်များ

Matyu 1:18

Yesus Krais ina divirngen ina basikngen langane. Osep tiwai ma tna Maria e Josep tigi. Tigi dau kovok e osep tiklingen Maria somugu kodong. E Ano Itau due Maria somugu.

Matyu 12:47

E gute gesa wai ke Yesus langane. “Aiya e ngap saiver tidong ke dogur e tiwaiki tiwai ke wom.”

Matyu 13:55

Gute ane gute kamda otno arang. E tna angaine Maria. E ina saiver angainsak Jems e Josep e Saimon e Judas.

Matyu 2:11

E tisep ke ninu e tivati mimi tonari kap tna Maria. Tivati mimi deka tigrum kamsak e tilotuim iye. E tiklok urok brokngon e tikar iye wan ka gol e akai olune ka amna itau ka ina klingen omba e paura ka amna itau blang.

Matyu 2:20

“Emtipa e ampaur agau e tna e umeiding ke omur Israel. Kesua osep ka tiwaiki tidue burwa ke mimi timete kodong.”

Mak 2:21

Yesus wai ke isak ke pelengon ano gesa langane. “Lang­-ka ovuk dong ke molo oglou ina gute sisir molo oku ina arlak ke ovuk tonari kovok. Kesua langka iye due langane mase alo ka iye grong molo ma arlak tonari polou daudeng e ma trum molo ka oglou ina. Deka ovuk polou omba e mole ovuk ka oglou ina dong.”

Mak 6:3

Gute ane iye kamda vala. Tna Maria e ina saiver Jems e Joses e Judas e Saimon. E sulutno blang tidong ke armok ane.” Osep tiwai langane e aitno lisak soulu lokono ke Yesus.

Luk 1:43

E ngong sei ma Ngau Puda ina aiya me vati ngong?

Luk 2:33

E Yesus timla e tna tidigrik ke wan ka Simeon wai ine ke Yesus.

Luk 2:34

E Simeon wai ma Ida Tapolngon aitno itau itau ke isak e wai ke tna Maria langane. “Emklingen. Ida Tapolngon rere mimi ane ma iye due osep Israel ina pula tigene batne ke iye e iye due osep pula titito batne ke iye blang. E iye dong nisngen ke Ida Tapolngon aitno e ma osep pula tiwai soulu ke iye.

Luk 2:48

E alo ka timla e tna tivati iye tidigrik e tna pmi iye langane. “Erigu arang ina lange omdue elio langane ke imi? Ngong e abo aitno limi kro lokono e imekrim ke wom.”

Luk 2:51

Deka iye la kap isak e tiduru tipolou ke Nasaret e iye meit ke isak. E tna bitna sisir wan keniye tonari e aitno mter ine.

Luk 8:10

Deka Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka la ke omur heven ka Ida Tapolngon plaue. E ke osep leklou ngawai ke pelengon ano vala ma amtarsak vati wan bitna bitna e dau tivati itau kovok e talsak klingen e dau tile ine kovok.

Jon 19:25

Deka osep ola ina tidue langare. E apmang apanal tivri olwo boto ke Yesus ina akai. Isak Yesus tna e tna ina aiver e Maria ka gute Klopas esna e Maria ka armok Makdala ina.

Jon 2:1

Elio tonari polou deka oklou epmes orwo mela yagos e gingen polou ke armok Kena ka dong ke omur Galili. E Yesus tna dong ke gingen tonari.

Jon 2:12

Elio tonari polou deka iye songon Kena e la duru ke Kaperneam kap tna e ina saiver e ila disaipel. E tidong are langka wik kene.

Jon 2:5

E Yesus tna wai ke osep bokongon ina langane. “Wan ka iye wai ke umu ine umodue.”

Jon 7:10

E alo ka ina saiver isak kla ke rogo omba kodong Yesus blang la ine e dau iye kukwop iye e polou ke osep amtarsak kovok.

Jon 7:3

Deka Yesus ina saiver tiwai ke iye langane. “Omsongon omur ane e amla ke omur Judia ma osep ka tididi wom ke omur are tikaranga tivati elio ka omdue.

Jon 7:5

Ari Yesus ina saiver tiwai langare kesua aitno lisak dagar ke iye kovok.

1 Korin 9:5

Imakaranga imegi apmang ka aitno lisak dagar ke Yesus e imodue isak kla tilila kap imi langka osep aposel leklou e Ida Puda ina saiver e Pita tidue koke aurou?

Galesia 1:19

Ke alo ari ngavati osep aposel gesa blang kovok. Ngavati Jems ka Ida Puda ina aiver vala.