Matyu 12:42 - Aria New Testament

⁴² E silang alo tonari apmang ka vri mgo ke omur ka dong saut ke umu ma vri e sin elio soulu vri ke umu. Kesua iye due langan ka alang ma iye klingen gute Solomon ila pelengon e ila ilengen ka omba. E oku ane gute ka mole Solomon lokono dong kap umu.”

Matyu 12:42 ပူးပေါင်းရင်းမြစ်များ

Matyu 12:41

E ke oklou ka Ida Tapolngon ma wade osep ka pula keniye ine osep Ninive ina ma tivri e tisin elio soulu vri ke umu. Kesua alo ka Jona napapra ke isak tibauluk aitno lisak la ke Ida Tapolngon e oku ane gute ka mole Jona lokono dong kap umu.

Matyu 12:6

Ngawai ke umu langane. Wan ka mole Ida Tapolngon ila ninu dong ane.

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Matyu 3:17

E osep tiklingen kreine kene wai ke omur heven langane. “Gute ane Erigu Arang ka ngong lana ngong ke iye e aitno lungong itau lokono ke iye.”

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.