Matyu 12:32 - Aria New Testament

³² E langka gute gesa wai soulu ke Gute Ka Polou Langka Osep io Ida Tapolngon karanga sak ila elio tonari. E langka iye wai soulu ke Ano Itau Ida Tapolngon ma sak ila elio langare kovok ke mosongon ane koke ke mosongon ka ma me.”

Matyu 12:32 ပူးပေါင်းရင်းမြစ်များ

Matyu 11:19

E Gute Ka Polou Langka Osep me e ngen ngangon e inim aki wain e osep tiwai langane. ‘Gute are iye ngen ngangon pula e inim aki wain ma bitna balilu e ila saten isak osep ka tidue takis e osep epmes ina.’ E dau Ida Tapolngon ila osep tidue elio itau e elio are nis osep Ida Tapolngon ila ilengen iye pelengon lokono.”

Matyu 12:31

E ngawai ke umu langane. Langka gute gesa due elio epmes ina gesa koke iye wai pelengon soulu io Ida Tapolngon karanga sak ila elio tonari. E langka iye wai pelengon soulu ke Ano Itau Ida Tapolngon ma sak ila elio langare kovok.

Matyu 12:8

Kesua Gute Ka Polou Langka Osep iye oklou sabat ina Puda.”

Matyu 13:22

E wit londo ka tiduru timunu ke galou marak isak eriar langka gute ka klingen Ida Tapolngon ila pelengon e dau aitno kro ke wan bitna bitna ke mosongon ane e aitno itau ke mani. E elio orwo tonari tikading Ida Tapolngon ila pelengon e pelengon karanga due gute ma iye due elio itau kovok.

Matyu 13:39

E oul ka me ser londo sasi iye Satan e alo ka osep tipi wan iye alo ka taklak yagos. E osep ka tipi wan itau isak Ida Tapolngon ila ensel.

Matyu 13:40

E langka tidue e tigilgil aswei ma eiou ngen isak wan langane ma polou alo ka taklak yagos.

Matyu 13:55

Gute ane gute kamda otno arang. E tna angaine Maria. E ina saiver angainsak Jems e Josep e Saimon e Judas.

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Mak 10:30

Osep ka tisongon urok wan bitna bitna langane ma Ida Tapolngon lua isak ma tidue wan pula pula langka tisongone alo ka isak dau tidong ke taklak ane. Mase ma Ida Tapolngon kar urok ninu e osep langka inarak titovro e inarak saiver e sulutorok e titnarak e titorok e inarak taklak ke isak. E ma osep tidue agegeng ke isak blang. E mase ma tidong ke mosongon itau lokono ka dong vala dong.

Mak 3:28

“Ngawai ke umu ke pele-ngon ane ka lokono lokono. Ida Tapolngon karanga sak elio epmes ina bitna bitna keniye ka osep tidue. Iye karanga sak osep ka tipul dogur ke urok elio ka tiwai soulu ke iye e tipes iye tona angaine urok elio epmes ina.

Mak 3:29

E langka gute gesa wai soulu ke Ida Tapolngon Ano Itau e pes angaine ma Ida Tapolngon sak ila elio epmes ina ka langane kovok. Ma elio tonari vri ke iye e munu pes iye vala e dong vala dong.”

Luk 12:10

Langka gute wai soulu ke Gute Ka Polou Langka Osep Ida Tapolngon karanga sak ila elio tonari e langka gute wai soulu ke Ano Itau Ida Tapolngon ma sak ila elio tonari kovok.”

Luk 16:8

“Mase gute bokongon ina tonari ina puda pakaru iye lama ila elio soulu kesua aitno mter itau. E osep ka taklak ina aitno lisak mter itau alo ka tidue burong kap osep taklak ina leklou. E urok elio mole Ida Tapolngon ila osep urok elio langare.

Luk 18:30

Io Ida Tapolngon ma kar gute tonari wan pula ke taklak ane e silang blang ma iye due ila mosongon ka dong vala dong.”

Luk 23:34

E Yesus wai itau ke Ida Tapolngon langane. “Livou amsak urok elio kesua tile omur ke wansua ka tidue kovok.” E osep ola ina tiuri opmu ka nisngen dong ine e tiwade Yesus ila klos ine.

Luk 7:34

E Gute Ka Polou Langka Osep me e ngen e inim e umawai langane. ‘Iye ngen pula e inim pula ma bitna balilu e ila saten isak osep ka tidue takis e osep epmes ina.’

Jon 7:12

E osep pula pula tinekeskes pulu ke Yesus. Osep leklou tiwai langane. “Iye gute itau.” E osep leklou blang tiwai langane. “Aurou. Iye yak osep.”

Jon 7:39

Yesus ila pelengon tonari lana ine langane. Iye wai ke Ano Itau ka mase ma dong ke osep ka aitno lisak la dagar ke iye. E alo ari Ano Itau me dong ke osep aitno lisak dau kovok. Kesua Ida Tapolngon dau due Yesus tito la ke omur heven e due angaine omba e itau lokono kovok.

Jon 7:52

Deka tikoli tiwai ke iye langane. “Wom blang gute Galili ina? Amnana ke Ida Tapolngon ila pelengon e ma emile gute napaprangan ina gesa me ke omur Galili kovok.”

Aposel 3:19

Eknikane umabauluk aitno lumu ke lumu elio epmes ina e aitno lumu la dagar ke Yesus. Langka aitno lumu la dagar ke Yesus ma Ida Tapolngon sak lumu elio epmes ina la. Deka ma tivri ke umu kovok.

Efesus 1:21

Deka Krais dong ke omur heven e mgo ke ensel e wan ka pula keniye ka tidong ine e iye plau isak. Iye mgo ke osep ka pula keniye ka tidong ke omur omur ke taklak. Iye mgo ke osep ka pula keniye ka tivri mgo ke omur omur. Iye mgo ke osep keniye ka urok arit dong lisak. Iye mgo ke osep ngongle keniye. E angaine ombatno lokono e mole osep ka pula keniye ka eknikane tidong angainsak e osep ka pula keniye ka mase ma tidong angainsak blang.

1 Timoti 1:13

Lokono. Oglou aling aling ngawai soulu ke iye e ngadue agegeng ke ila osep e ngawai sasi ke iye. E dau iye ile ngadue elio tonari kesua ngaile iye kovok e aitno lungong dagar ke iye kovok. Deka aitno due ngong.

1 Timoti 1:15

Pelengon ane lokono. Krais Yesus me ke taklak ma iye lua osep epmes ina. E ma iteklingen ine e ma aitno lite la dagar ine. Deka aitno lungong kro lokono kesua ngong tona ngadue elio epmes ina pula e ngadong langka gute ka mgo ke osep epmes ina.

1 Timoti 4:8

Emile langka itawaiki itodue pampamu lite ila arit polou dagar deka itanana aling aling. Elio langane ma lua ite sasi boto. E langka itanana ke Ida Tapolngon ila elio ane ma polou udo arit ka lua ite itau lokono. Ane ma lua ite ke udo mosongon ka oku ane ina e ke udo mosongon ka mase ma polou.

1 Timoti 6:17

Ma amwai dagar ke osep ka urok mani pula ke taklak ane ma tikaranga tikakai angainsak kovok. Ma aitno lisak la ke wan ka paide okus langka mani kovok. E ma aitno lisak dagar lokono ke Ida Tapolngon. Kesua iye kar ite wan bitna bitna pula ka due aitno lite neser.

2 Timoti 4:10

Kesua gute Demas aitno la ke wan bitna bitna ka taklak ina e iye songon ngong kodong e la ke armok Tesalonaika. E gute Kresens la ke provins Galesia e gute Taitus la ke omur Dalmesia.

Taitus 2:12

Ida Tapolngon ila makaingan nis ite ke elio ka itopul dogur ke elio ka Ida Tapolngon aitno soulu ine. E nis ite ma itepli elio soulu bitna bitna ka taklak ane ina. E nis ite ma itaplau ite itau e itodue elio itau vala ka Ida Tapolngon aitno itau ine alo ka itodong ke taklak ane.

Jems 1:27

Langka itedidi Ida Tapolngon aitno e itodue elio isuk isuk ka itau vala ke Ida Tapolngon ka Pmada bitna ma itodue elio langane. Iye waiki itolua agau ka bimsei e apmang sasap batne ke elio ka opru isak. E iye waiki itaplau ite itau ma elio ka taklak ina due ite itopolou amum kovok.