Matyu 12:28 - Aria New Testament

²⁸ E alo ka ngadue Ida Tapolngon Ano Itau ila arit e ngasapir angelo soulu elio are nis umu omur ka Ida Tapolngon plaue polou ke umu kodong.

Matyu 12:28 ပူးပေါင်းရင်းမြစ်များ

Matyu 12:18

“Umavati. Ngarere gute ane ma iye boko ke ngong. Ngong lana ngong ke iye e aitno lungong itau ke wan ka iye due. Ma ngakar iye Anngong e iye napapra osep ka pula keniye ke elio ka ma ngadue elio itau ke isak.

Matyu 12:29

Ina lange gute karanga sep ke gute silang ka ila arit omba ila ninu e panako ila wan bitna bitna? Mgo ma iye pou gute tonari deka iye karanga panako ila wan keniye.”

Matyu 21:31

Deka aitno lumu lange? Gute sei didi timla aitno?” E tikoli tiwai otno ka iye wai ke iye mgo didi timla aitno. E Yesus wai ke isak langane. “Ngawai ke umu lokono. Osep ka tidue takis e apmang ekreng palma ina ma tisep ke omur heven ka Ida Tapolngon plaue mgo ke umu.

Matyu 21:43

E ngawai ke umu langane. Ma Ida Tapolngon pi umu ke omur ka iye plaue e kar amunmu ke osep leklou ka tidue wan ka Ida Tapolngon waiki tidue.

Matyu 4:24

E omon ke wan ka Yesus due la ke provins Siria ka pula keniye. E osep tikalke osep ka wan sasi due isak ke iye. Langka osep ka paiangan bitna bitna due isak e osep ka tarna lisak doro doro e osep ka angelo soulu due isak e osep ka tipaia e tigene e tinakarkar adai e osep ka kamsak e limsak timete. E Yesus due osep tonari tipolou itau blang.

Matyu 6:33

E wan ane mgo ke wan ka pula keniye. Umosongon Ida Tapolngon vri mgo ke umu e umodue elio ka itau e osuk ke bitna. E ma iye kar wan bitna bitna tonari ke umu blang.

Mak 1:15

Iye napapra ke isak langane. “Eknikane taim ka Ida Tapolngon rere ma iye vri mgo ke osep polou kodong. Deka umabauluk aitno lumu ke lumu elio epmes ina e aitno lumu la dagar ke Ida Tapolngon ila omon itau.”

Mak 11:10

Gute ka me ane iye Devit ka oglou vri mgo ke osep ila napakngan gesa. Bitna langka oglou Devit vri mgo ke osep e plau isak ma iye vri mgo ke imi e ma plau imi. Aitno limi itau itau ke iye e imakakai Ida Tapolngon angaine tito la egim lokono ine.”

Mak 16:17

E osep ka aitno lisak me dagar ke ngong ma tidue elio arit ina ka nisngen ke osep amtarsak langane. Ma tisapir angelo soulu ka tidong ke osep batne ke ngong. E ma tiwai ke tokples oku ina ka oglou tile ine kovok batne ke ngong.

Luk 10:11

‘Imasak lumu armok ina taklak ina group ka dong ke kepmi la langka nisngen ke lumu elio soulu. E dau imawaiki umeile langane. Elio ka Ida Tapolngon plau osep polou olwo boto ke umu kodong.’

Luk 11:20

E langka ngadidi Ida Tapolngon ila arit e ngasapir angelo soulu deka elio are nisngen ke umu langane. Omur ka Ida Tapolngon plaue polou olwo boto ke umu kodong.”

Luk 16:16

“Osep tinapapra Moses ila sogongon e osep napaprangan ina urok sogongon la lama alo ka Jon polou. E nogrum ke alo ka Jon polou me ke oku ane nganapapra omon itau ka la ke omur ka Ida Tapolngon plaue e osep arit isak lokono ma tikaranga tisep ke omur tonari.

Luk 9:2

E iye pagei isak ke osep ma tinapapra pelengon ke omur ka Ida Tapolngon plaue e ma tidue osep ka tipaia tipolou itau blang.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Pas ka Pol sogoe uti la ke osep Rom ina 14:17

Ke omur ka Ida Tapolngon plaue wan ka itangene e wan ka iteinime isak wan omba kovok. Aurou. E elio ka itau e osuk e elio ka aitno lite epen pulu e elio ka aitno lite neser ke Ano Itau isak wan ka omba lokono.

Kolosi 1:13

Oglou elio epmes ina ila arit plau ite e eknikane Ida Tapolngon ka iye lana iye ke Otno Arang lua ite ke udo elio epmes ina e due ite itodong ke omur ka Otno Arang plaue.

Hibru 12:28

Deka langane. Mase ma itodong ke omur ka Ida Tapolngon plaue e omur tonari karanga nemilmil kovok. Deka ma itawai tenkyu ke Ida Tapolngon e itolotuim iye ke elio ka aitno itau ine. Ma itodue anit ke iye e iteini iye.

1 Jon 3:8

E gute ka aling aling iye due elio epmes ina iye Satan ila gute vala. Kesua oglou oglou ari alo ka Ida Tapolngon due wan ka pula keniye tipolou lila me ke eknikane Satan due elio epmes ina. E Ida Tapolngon Otno Arang polou ma iye due pogle ke Satan ila bokongon ma yagos.