Matyu 12:10 - Aria New Testament

¹⁰ Ke ninu tonari gute dong ka limla mete e osep leklou tidong ka tiwaiki tisin elio soulu vri ke Yesus. Deka tipmi iye langane. “Langka gute due gute silang ka paia polou itau blang ke oklou sabat are elio itau koke aurou?”

Matyu 12:10 ပူးပေါင်းရင်းမြစ်များ

Matyu 12:2

Osep Farisi ina leklou tivati elio ane e tiwai ke Yesus langane. “Ina lange lem disaipel tivu wit otna ke oklou sabat? Imadangdang osep tiboko ke oklou sabat.”

Matyu 19:3

E osep Farisi ina leklou time ke iye e tiwaiki titok iye e tiwai langane. “Moses ila sogongon songon gute dar ila gingen e pagei ila asap la ke batne bitna bitna?”

Mak 3:2

Osep Farisi ina leklou tidong ke duningen ina ninu blang. E amtarsak kis dagar ke Yesus ma tivati langka iye lua gute ka limla mete ke oklou sabat koke aurou? Tidue langane kesua langka iye lua gute ka limla mete ke oklou sabat ma tisin elio vri ke iye.

Luk 11:54

Tidue langane kesua tiwaiki tiyak iye ke urok pelengon ma iye wai pelengon soulu e tikaranga tisin elio vri ke iye batne ke ila pelengon.

Luk 13:14

E gute ka plau duningen ina ninu aitno nevlik amnga kesua Yesus due apmang polou itau ke oklou sabat. Deka iye wai ke osep ka tidong are langane. “Umakaranga umoboko ke oklou lumakene. E umomo ma gute due lumu paiangan yagos ke oklou tonari. E umodue elio langane ke oklou sabat sakam.”

Luk 20:22

Imepmi wom langane. Moses ila sogongon songon ite ma itekli takis ke Sisar koke aurou?”

Luk 23:14

E iye wai ke isak langane. “Umapaur gute ane me ke ngong e umawai iye sruk osep aitno lisak ma aitno lisak soulu ke osep gavman ina. Ngaklingen ila pelengon ke omtomu e aitno lungong mter lumu sinngen elio ke gute ane batne dong kovok.

Luk 23:2

Tipolou ke Pailot bitna e tisin elio vri ke Yesus e tiwai langane. “Imavati gute ane pagolgol imi osep Yuda ina aitno limi. Iye waiki imekli takis ke Sisar kovok e wai iye tona gute Krais ka Ida Tapolngon rere ma iye lua osep e iye vri mgo ke isak.”

Jon 5:10

E osep Yuda ina leklou tivati gute tonari e tiwai ke iye langane. “Eknikane oklou sabat e langka amkalke lem omoi oku ane amdar udo pelengon dagar.”

Jon 5:3

E aling aling ke oklou kene kene osep pula timunu ke opos tonari. Osep ka tipaia e amtarsak evin e kamsak timete e eri lisak keniye nakakram.

Jon 7:23

E langka umoulang keke arang otne ke oklou sabat ma umadar Moses ila sogongon kovok ina lange aitno lumu engil ke ngong alo ka ngadue gute pampamu ine keniye polou itau ke oklou sabat?

Jon 8:6

Tipmi Yesus langane ma titok iye ke ila pelengon. Langka iye wai pelengon ka tikaranga tidue e tisin elio vri ke iye batne ke ila pelengon tonari. E Yesus manik duru e limla titno sogo ke taklak ina group.

Jon 9:16

Osep Farisi ina leklou tiwai langane. “Gute are dar oklou sabat ina pelengon dagar deka iteile Ida Tapolngon pagei iye me kovok.” E osep Farisi ina leklou tiwai langane. “Lange ka gute epmes ina karanga due elio arit ina bitna bitna langka iye due?” Deka osep Farisi ina tipara pelengon pulu e tidardar ine.