Matyu 11:5 - Aria New Testament

⁵ Osep ka amtarsak evin tikaranga tivati omur blang e osep ka kamsak timete tikaranga tilila blang. Osep ka paiangan lepra due isak tipolou itau blang e osep ka tikaranga tiklingen pelengon kovok tikaranga tiklingen blang. Osep ka timete kodong tipoga tidong blang e osep ka urok wan isuk boto vala tiklingen omon itau.

Matyu 11:5 ပူးပေါင်းရင်းမြစ်များ

Matyu 10:8

Umodue osep ka tipaia tipolou itau blang e umodue osep ka timete kodong tipoga titito blang e umodue osep ka paiangan lepra due isak tidong itau blang e umasapir angelo soulu ke osep. Oku ane umodue arit ke ngong adai e umekli ngong ine kovok e ma umakar wan bitna bitna ke osep adai e tikli umu ine kovok blang.

Matyu 11:4

Yesus koli wai ke isak langane. “Umala e umapalongo Jon ila ke wan ka umavati e wan ka umoklingen ine.

Matyu 12:13

Deka Yesus wai ke gute ka limla mete langane. “Livep me.” Gute gotok limla e limla are polou itau langka limla silang.

Matyu 21:14

E osep ka amtarsak evin e osep ka kamsak e limsak timete time ke Yesus ke omur ka lelei Ida Tapolngon ila ninu e iye due isak tipolou itau blang.

Matyu 5:3

“Osep ka urok wan ka aitno lisak ila dagar ina isuk boto vala aitno lisak itau itau kesua wan ka omur heven ka Ida Tapolngon plaue ma polou urok wan.

Matyu 9:30

E amtarsak polou itau blang deka Yesus wai dagar ke isak langane. “Umapalongo osep ke elio ane kovok.”

Mak 7:37

Deka osep tonari ansak nesik batne ke elio ka iye due. Tiwai langane. “Gute are ila elio keniye itau. Iye lua osep ka talsak pono e tikaranga tiwai kovok ma tikaranga tiklingen pelengon e tikaranga tiwai blang.

Mak 9:25

Mimi tonari timla wai langane deka Yesus vati osep pula pula tisuong tipolou ke iye. Deka iye wai dagar ke angelo soulu langane. “Wom angelo soulu ka omdue mimi ane ma iye wai kovok e klingen pelengon kovok ngawai ke wom langane. Ompolou ke mimi ane e amkaranga ambauluk omdong ke iye blang kovok.”

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Jon 10:25

E Yesus koli wai ke isak langane. “Ngawai ke umu ine kodong e aitno lumu la dagar ke lou pelengon kovok. E silang elio arit ina ka ngadue ka didi Livou aitno palongo lumu ke ngong.

Jon 10:38

E langka ngadue ila bokongon lama aitno lumu dagar ke lou pelengon kovok aitno lumu la dagar ke elio arit ina ka ngadue ma umeile malak langane. Livou dong kap ngong e ngadong kap Livou e imi eriar.”

Jon 2:23

E alo ka iye dong ke Jerusalem ke rogo omba ka lana ine la ke alo ka Ida Tapolngon lua osep Yuda ina tisongon omur Isip osep pula tivati elio arit ina ka nisngen ka iye due e aitno lisak la dagar ke iye.

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 5:36

“E wan ka mole pelengon ka Jon wai ine palongo osep ke ngong. Kesua bokongon ka Livou kare ke ngong ma ngadue io bokongon tonari palongo osep ke elio ka Livou pagei ngong ngame.

Jon 9:7

E wai ke iye langane. “Amla e emris ke aki ina ovuk ka angaine Siloam.” Pelengon palma siloam lana ine langane. Tipagei iye la. Gute klingen Yesus wai deka iye la ris. Iye ris kodong deka alo ka iye iding ke Yesus iye karanga vati omur.

Aposel 2:22

Pita wai Joel ila pelengon yagos deka wai langane. “Umu ka osep Israel ina umoklingen lou pelengon ane. Oglou gute Yesus ka Nasaret ina dong kap umu. E Ida Tapolngon aitno kene ke iye deka lua iye ke ila elio arit ina. Deka iye due elio arit ina pula ke omtomu e Ida Tapolngon nis umu malak ine.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.