Matyu 11:29 - Aria New Testament

²⁹ Umomo ke ngong e umanana ke ngong deka umodue sigi ka ngakare ke umu e umakalke sigi tonari kesua ngong gute ka due mada e ngapes ngong tona e ma aitno lumu mtong e dong epen ke ngong.

Matyu 11:29 ပူးပေါင်းရင်းမြစ်များ

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Matyu 21:5

“Umapalongo osep Saion ina langane. ‘Umavati gute ka vri mgo ke umu me e iye dong molil e dong ke donki e me. Iye dong ke donki otno e me.’”

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Matyu 7:24

“Gute sei ka klingen lou pelengon e inie iye langka gute ka ile omur itau deka yas taklak e uri ila ninu ke opmu ma ninu dong dagar.

Luk 8:35

E osep isak kla ma tile elio ka polou deka tipolou ke Yesus e tivati gute ka angelo soulu tisongon iye. E iye tnei klos e dong ke Yesus kamla e manga manga kovok. Aurou. Aitno malak e iye mter itau. E osep tonari tiulou tarna lisak ke elio ane.

Jon 13:15

Ngadue elio ane ma umavati ngong e umakana lou elio ka ngadue ke umu.

Jon 13:17

Langka umeile omur ke lou pelengon tonari e umedidie ma Ida Tapolngon due aitno lumu itau itau.”

Aposel 7:37

Gute Moses iye gute ka wai ke osep Israel ina langane. ‘Mase ma Ida Tapolngon due lumu aten gesa polou gute napaprangan ina eriar langka oglou iye due ngong.’

1 Korin 9:21

E alo ka ngadong kap osep ka tididi Moses ila sogongon kovok ngadidi urok elio ma ngalua isak. E dau ngasongon Ida Tapolngon ila pelengon kovok. Aurou. Ngadidi Krais ila pelengon dagar.

2 Korin 10:1

Osep leklou tiwai ke umu langane. “Alo ka Pol dong kap umu langka iye pes iye vala e alo ka iye dong mawa iye wai dagar.” Deka ngawai ke umu ma aitno lumu mter ke Krais ila elio e umoklingen lou pelengon. Krais ila elio langane. Ila elio molil molil e iye due mada ke osep.

2 Korin 10:5

Imomole pelengon bitna bitna ka para pulu ke Ida Tapolngon ila pelengon e pelengon ka waiki pagolgol osep aitno lisak ma tile Ida Tapolngon kovok. Limem pelengon mole osep ka aitno lisak mter pelengon ka para pulu ke Ida Tapolngon ila pelengon deka ma tini Krais.

Filipai 2:5

Ngawaiki ma aitno lumu mter langka Krais Yesus aitno mter.

1 Tesalonaika 4:2

Umeile pelengon ka imawai lumu ine kodong. Pelengon tonari Ida Puda Yesus ila pelengon.

2 Tesalonaika 1:8

Deka ma iye due agegeng ke osep ka tipul dogur ke Ida Tapolngon e osep ka tididi omon itau ka la ke Ida Puda kovok.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

1 Jon 2:6

Gute gesa ka wai iye dong kap Ida Tapolngon io wan ka itau ma iye due elio isuk isuk langka Yesus due alo ka iye dong ke taklak.