Matyu 11:21 - Aria New Testament

²¹ “Umu osep ke armok Korasin e osep ke armok Betsaida ma elio soulu polou ke umu. Kesua langka elio arit ina ka ngadue ke lumu armok orwo ngadue ke armok Tair e armok Saidon tibauluk aitno lisak kodong. E tidue elio ka nis ite aitno lisak soulu ke urok elio epmes ina e tibauluk aitno lisak ine.

Matyu 11:21 ပူးပေါင်းရင်းမြစ်များ

Matyu 11:22

Ngawai lokono ke umu. Ke oklou ka Ida Tapolngon wade osep ka pula keniye urok elio ine lumu ulesngen ma mole osep Tair ina e osep Saidon ina urok ulesngen.

Matyu 15:21

E Yesus songon omur are e la ke omur ka armok orwo Tair e Saidon tidong ine.

Matyu 18:7

“Aisudo ke osep taklak ina. Ma tidong soulu lokono va. Kesua tiwaiki tidue osep leklou tigene ke elio epmes ina. Lokono elio epmes ina ma polou e dau gute gesa ka due gute silang gene ke elio epmes ina are soulu ke iye.

Matyu 26:24

Osep ma tidue burwa ke Gute Ka Polou Langka Osep eriar langka Ida Tapolngon ila pelengon wai ine e aisudo ke gute ka lai iye ina. Wan ka itau tna divir iye kovok.”

Mak 3:8

Deka osep ka armok Jerusalem ina e osep ka omur Idumea ina e osep ka tidong ke aki Jordan burla time tipolou ke iye. E osep pula ka tidong lelei ke armok orwo Tair e Saidon time tipolou ke iye. Osep pula pula tonari tiklingen ke elio isuk isuk ka Yesus due deka tisongon urok omur e time tipolou ke iye.

Mak 6:45

Osep tonari tingen inarak ngangon yagos deka lokono Yesus pagei ila disaipel tisep ke bot gesa ma timgo kla ke armok Betsaida. Alo ka iye pagei ila disaipel kla kodong iye wai ke osep pula ma tisongon omur are e isak kla.

Mak 7:24

Deka Yesus songon omur tonari e la ke omur ka lelei armok Tair. Deka iye la sep ke ninu gesa ma iye dong ine kesua iye waiki osep pula tile ke omur ka iye dong ine kovok. E iye karanga kukwop iye kovok ma osep tile ke iye kovok.

Mak 7:31

Yesus songon omur Tair deka iye la ke armok Saidon e omur Dekapolis ma iye la polou ke elim Galili.

Mak 8:22

Yesus gosok ila disaipel isak kla e mase tipolou ke Betsaida. Deka osep leklou tipaur gute gesa ka bitna evin polou ke iye e tikel iye ma iye kai gute tonari.

Luk 4:26

E dau Ida Tapolngon pagei Elaija ke isak kovok. Aurou. Iye la ke apmang asap batne kene ka dong ke armok Sarefat ka dong ke omur ka armok omba Saidon dong ine vala.

Luk 6:17

Deka iye duru ke gigri kap isak e vri ke omur ka mang e ila disaipel pulu pula tidong are kap osep pulu pula leklou. Osep tonari ka time ke armok armok ke omur Judia e ke Jerusalem e ke misuon ina dingen batne olwo boto ke Tair e Saidon.

Luk 9:10

Alo ka osep aposel tiding ke Yesus tipalongo ila ke wan keniye ka tidue. Deka iye due isak vala e tisongon osep leklou e isak kla ke armok kene ka angaine Betsaida.

Jon 1:44

E Filip ila armok batne armok Betsaida ka Andru e Pita urok armok batne blang.

Jon 12:21

E isak kla ke Filip ka iye gute ka me ke Betsaida ka dong ke omur Galili. E tiwai ke iye langane. “Gute. Imawaiki imavati Yesus.”

Aposel 12:20

Ari Herot aitno engil lokono ke osep Tair ina e osep Saidon ina. Deka tiduni pulu e tipolou ke Herot bitna e tipmi iye ma aitno epen ke isak. Mgongon tiwai ke gute Blastus ka plau Herot ila ninu ma iye wai dikngen ke Herot. Tiwaiki Herot aitno epen ke isak kesua ke tobor aling aling tikli inarak ngangon ke omur ka Herot vri mgo ine.

Aposel 27:3

Oklou silang imopolou ke armok Saidon e imodong ine. E gute Julius due mada ke Pol e wai ke iye langane. “Langka amwaiki amla ompolou ke lem saten ma tikere wom amla ompolou ke isak.”

Pas ka Jut sogoe 1:11

Aisudo. Isak ma tidong soulu va. E tikana elio ka oglou gute Kein due. E aitno lisak la ke mani langka oglou gute Balam aitno la ke mani deka tidue elio bitna bitna ma tidue mani ine. E tipul dogur ke Ida Tapolngon langka oglou gute Kora pul dogur ke Ida Tapolngon. Deka ke elio tonari Ida Tapolngon due agegeng ke isak e timete ine.

Pelengon kukwopngon 11:3

E ma ngapagei osep orwo tinapapra lou pelengon ke armok tonari. E titnei klos ka tidue ke meme tarna elilo e tinapapra lou pelengon la lama iding ke oklou 1,260 mela yagos.”

Pelengon kukwopngon 6:12

Deka Sipsip Otno tonari kles poungon lumakene ina ke buk. E omtongu lila blang e ngavati orgi omba polou ke taklak e oklou polou ovor lokono e bublo kovok. E taiko polou edimor langka marau.