Matyu 11:18 - Aria New Testament

¹⁸ Kesua Jon ka paunim osep me e ngen pula kovok e inim aki wain kovok e osep tiwai angelo soulu dong ke iye.

Matyu 11:18 ပူးပေါင်းရင်းမြစ်များ

Matyu 10:25

Langka osep disaipel urok elio eriar langka urok parere-ngen are itau e langka osep ka wokboi nating urok elio eriar langka inarak puda are itau blang. Langka osep tisir ngong Belsebul ma tiwai langane ke umu blang.”

Matyu 11:17

‘Imeipu piloli e umetirei kovok. E imodue sakul metengen ina e umekngis kovok.’

Matyu 3:4

E Jon tnei molo ka tidue ke kamel tarna elilo e iye due let ka tidue ke bulmakau tarna lelei iye. E iye ngen kakan e wame olune.

Matyu 9:34

E osep Farisi ina tiwai langane. “Iye karanga sapir angelo soulu kesua Satan ka vri mgo ke isak kar iye arit ma iye sapir isak.”

Mak 3:22

Ari osep ka tile itau ke Moses ila sogongon ka tidong ke Jerusalem tiduru tipolou ke iye blang. Tivati elio ka Yesus due deka tiwai ke osep ka pula langane. “Belsebul dong ke aitno. Iye didi Belsebul ka angelo soulu inarak puda ila arit deka iye sapir angelo soulu ka tidong ke osep.”

Luk 1:15

Kesua ma iye polou gute ka angaine omba ke Ida Puda bitna. E ma iye inim aki wain koke aki dagar kovok e ma Ano Itau plau iye itau alo ka iye dau dong ke mimi ila armok ke tna pele. E ma Ano Itau dong ke iye aling aling.

Jon 10:20

Isak pula tiwai langane. “Angelo soulu dong ke iye e due manga manga. Ina lange umoklingen ila pelengon?”

Jon 7:20

E osep tikoli tiwai langane. “Ua angelo soulu dong ke wom. Osep seisei tiwaiki tidue burwa ke wom?”

Jon 8:48

Deka osep Yuda ina tonari tiwai ke Yesus langane. “Imawai wom gute Samaria ina e angelo soulu dong ke wom. Lange? Limem pelengon lokono koke aurou?”

Jon 8:52

Osep Yuda ina tiklingen Yesus ila pelengon deka tikoli tiwai langane. “Imeklingen lem pelengon e oku ane imeile angelo soulu dong ke wom. Oglou Abraham mete e osep napaprangan ina timete blang e amwai osep ka tididi lem pelengon ma timete kovok.

Aposel 26:24

Pol wai langane deka Festus koli wai omba langane. “Pol wom manga manga lokono. Omdue skul pula e lem ilengen ka ombatno due wom manga manga lokono.”

1 Korin 9:27

E langane. Nganana engil ma ngakaranga ngaplau pampamu lungong itau. Lama nganapapra omon itau ke osep pula e mase ngong tona ngakaranga ngadue prais kovok.