Matyu 11:11 - Aria New Testament

¹¹ E Yesus wai blang langane. “Ngawai lokono ke umu. Gute gesa ka taklak ane ina mole Jon ka paunim osep kovok. E dau gute ka aitno mter iye dong adai ke omur ka Ida Tapolngon plaue iye mole Jon.”

Matyu 11:11 ပူးပေါင်းရင်းမြစ်များ

Matyu 11:10

Ida Tapolngon ila pelengon wai ke iye langane. ‘Ma ngapagei gute ka kalke omon mgo ke wom e ma iye kere ekreng ke wom.’”

Matyu 11:12

“Ke oklou Jon ka paunim osep nogrum napapra ke osep lila me ke oku ane osep ka aitno lisak amnga tiwaiki tidue evlei e tidue omur heven ka Ida Tapolngon plaue.

Matyu 3:1

Alo ari gute Jon ka paunim osep me ke omur ka dong adai vala ka dong ke omur Judia e napapra ke osep langane.

Matyu 3:11

“E ngapaunim umu ke aki ka nisngen ke elio ka umabauluk aitno lumu ke lumu elio epmes ina. E mase gute ka ila arit mole lou arit ma me e lou elio itau ma ngakaranga ngakalke ila su kovok. Ma iye paunim umu ke Ano Itau e ke eiou.

Matyu 5:19

Langka gute aitno mter sogongon palma ke Moses ila sogongon iye wan gesa kovok e parere osep leklou ma aitno lisak mter langane blang ma gute tonari angaine daudeng lokono ke omur heven ka Ida Tapolngon plaue. E gute ka didi Moses ila sogongon e parere osep leklou tididie blang ma angaine omba ke omur ka Ida Tapolngon plaue.

Luk 1:15

Kesua ma iye polou gute ka angaine omba ke Ida Puda bitna. E ma iye inim aki wain koke aki dagar kovok e ma Ano Itau plau iye itau alo ka iye dau dong ke mimi ila armok ke tna pele. E ma Ano Itau dong ke iye aling aling.

Luk 7:28

Ngawai ke umu langane. Gute ka taklak ane ina mole Jon kovok e dau gute ka angaine daudeng lokono ke omur ka Ida Tapolngon plaue mole Jon.”

Luk 9:48

E iye wai ke isak langane. “Gute sei ka lua mimi ane batne iye didi ngong lua ngong blang. E gute ka lua ngong lua gute ka pagei ngong ngame blang. Kesua gute ka angaine daudeng lokono ke umu ma mgo ke umu.”

Jon 1:15

Gute Jon daiku e palongo ke iye langane. “Gute ane gute ka ngawai ke iye langane. ‘Gute ka me batne ke ngong iye mole ngong kesau iye dong kodong alo ka nina dau divir ngong kovok.’”

Jon 1:27

Iye gute ka me batne ke ngong e dau ngong gute itau ma ngakaranga ngakles ila su kovok.”

Jon 10:41

Osep pula time ke Yesus e tiwai langane. “Lama Jon due elio arit ina ka isak nisngen kovok wan ka pula keniye ka iye wai ine ka me ke gute ane iye pelengon lokono.”

Jon 3:30

Ma Yesus angaine polou omba e angain ngong duru e polou daudeng.”

Jon 5:35

Jon iye langka lam ka bublo e due osep tivati omur itau. E ke sasi boto umawaiki umoklingen ila pelengon ka langka bublongon e aitno lumu neser ine.”

Jon 7:39

Yesus ila pelengon tonari lana ine langane. Iye wai ke Ano Itau ka mase ma dong ke osep ka aitno lisak la dagar ke iye. E alo ari Ano Itau me dong ke osep aitno lisak dau kovok. Kesua Ida Tapolngon dau due Yesus tito la ke omur heven e due angaine omba e itau lokono kovok.

1 Korin 15:9

E osep aposel leklou timole ngong. Kesua oglou ngadue agegeng ke Ida Tapolngon ila osep. Deka osep tikaranga tisir ngong aposel kovok.

1 Korin 6:4

E langka pelengon gesa polou airavu ke umu ina lange umawaiki gute ka dong ke sios kovok wade pelengon tonari?

Efesus 2:3

Oglou ite blang itodong kap osep tonari e itodong soulu eriar langka isak tidong soulu. E itedidi aitno lite oglou ina e itodue elio epmes ina bitna bitna ka aitno lite mter ine e pampamu lite waiki itodue. Deka itanamani ine kesua Ida Tapolngon aitno engil lite eriar langka aitno engil ke osep epmes ina keniye.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

2 Timoti 1:10

Eknikane ila makaingan polou malak lokono batne Ida Luangan Krais Yesus me polou ke ite kodong. E osep ka tiklingen Ida Tapolngon ila omon itau e aitno lisak dagar ine ma metengen mole isak kovok e ma tidue mosongon ka dong vala dong.

Hibru 11:40

Kesua oglou kodong Ida Tapolngon aitno mter ma iye due elio ka itau lokono ke ite ka pula keniye. Deka iye waiki isak timgo ke ite kovok. Aurou. Iye waiki ite ka pula keniye itopolou itau lokono ke aling kene vala.

1 Pita 1:10

Oglou osep napaprangan ina tiwai ke Ida Tapolngon ila luangan ka ma me ke umu. Tinana dagar ke Ida Tapolngon ila pelengon ma tikaranga tile omur ke batne ke elio ka Ida Tapolngon ma lua osep ka aitno lisak dagar ke iye.