Matyu 11:1 - Aria New Testament

¹ Yesus palongo ila disaipel songotno orwo ke pelengon tonari yagos deka iye la e nogrum parere osep e napapra ke armok armok ke omur are.

Matyu 11:1 ပူးပေါင်းရင်းမြစ်များ

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Matyu 7:28

Yesus parere osep yagos e osep tidigrik e aitno lisak mter pula ke ila parerengen.

Matyu 9:35

Yesus la ke armok omba e armok daudeng keniye ke omur Israel. Iye parere isak ke urok duningen ina ninu e napapra omon itau ka la ke omur ka Ida Tapolngon plaue. E iye due osep keniye ka paiangan bitna bitna tidue isak e ka pampamu lisak soulu tipolou itau blang.

Mak 6:12

Deka ila disaipel songotno orwo isak kla tilila e tinapapra ke osep ma tibauluk aitno lisak ke urok elio epmes ina.

Luk 23:5

E tiwai dagar langane. “Gute ane sruk osep aitno lisak ke omur Judia keniye nogrum ke omur Galili e me ke armok ane.”

Luk 8:1

Mase sasi boto Yesus lila la ke armok omba e armok daudeng e iye napapra omon itau ka la ke omur ka Ida Tapolngon plaue. E ila disaipel songotno orwo isak kla kap iye.

Jon 15:10

Livou lana iye ke ngong e ngadong dagar ke elio tonari e ngadidi ila pelengon dagar. E eriar langane ke umu blang. Langka umedidi lou pelengon dagar ma umodong dagar ke elio ka ngong lana ngong ke umu.

Jon 15:14

Langka umeini e umedidi wan ka ngawai dagar ine deka umu lou saten.

Aposel 1:2

Ke mgongon alo ka iye me mgo iding ke oklou ka iye bauluk tito ke omur heven. Ke oklou ka iye tito ke omur heven Ano Itau due Yesus aitno ma iye kar ila pelengon ke osep ka oglou iye rere isak ila aposel.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 10:42

Deka iye kar pelengon ke imi ka iye waiki imanapapra ina basikngen ke osep ka pula keniye. Iye waiki imanapapra ke osep iye tona gute ka Ida Tapolngon rere ma iye wade osep ka tidong e osep ka timete kodong urok elio.

1 Tesalonaika 4:2

Umeile pelengon ka imawai lumu ine kodong. Pelengon tonari Ida Puda Yesus ila pelengon.

2 Tesalonaika 3:10

Alo ka imodong kap umu imakar pelengon langane ke umu. Langka gute gesa waiki boko kovok ma iye karanga ngen kovok.

2 Tesalonaika 3:6

Sipmi. Imedidi Ida Puda Yesus Krais aitno e imawai dagar ke umu langane. Langka sudo gesa tiwaiki tiboko kovok e tidong adai vala e tididi pelengon ka imakare ke isak kovok deka umodong kap isak kovok.

1 Timoti 6:14

Emini Ida Tapolngon ila pelengon dagar ka omdue. Deka emdidi pelengon tonari osuk lokono. Lama osep tiwai soulu ke lem elio. Ma emdidie itau lokono la lama iding ke alo ka Ida Puda Yesus Krais iding e polou malak lokono.