Matyu 10:5 - Aria New Testament

⁵ Yesus pagei aposel songotno orwo tonari e wai ke isak langane. “Umala e umodong mawa ke osep ka isak osep Yuda ina kovok. E umesep ke osep Samaria ina urok armok kovok.

Matyu 10:5 ပူးပေါင်းရင်းမြစ်များ

Matyu 22:3

E iye vai ila wokboi nating ma tiwai ke osep ka iye waiki time ke gingen ina rogo ma time. E tiwaiki time kovok.

Matyu 4:15

“Omur Sebulun e omur Naptali tidong olwo boto ke misuon e tidong ke aki Jordan burla. Omur Galili ka osep ka isak osep Yuda ina kovok tidong ine.

Mak 6:7

Yesus gi ila disaipel songotno orwo ma time tipolou ke iye. Tipolou ke iye kodong deka iye pagei isak orwo orwo ma isak kla tidue bokongon ka iye kare ke isak. Deka iye kar ila arit ke isak ma tisapir angelo soulu ka tidong ke osep leklou.

Luk 10:1

Mase Yesus rere osep 72 silang ma tidue ila bokongon. Deka iye pagei isak orwo orwo ma timgo ke iye ke armok keniye e omur keniye ka iye ma la ine.

Luk 10:33

E gute Samaria ina la ke ila langan e polou ke gute tonari. Alo ka iye vati gute munu ke taklak aitno kro ke iye.

Luk 17:16

Iye grum kamla e bitna pes taklak ke Yesus bitna deka iye wai tenkyu ke wan ka Yesus due ke iye. E iye gute Samaria ina.

Luk 9:1

Yesus gi ila disaipel songotno orwo ma tiduni pulu e iye kar arit ke isak ma tikaranga tisapir angelo soulu e tidue osep ka tipaia tipolou itau blang.

Luk 9:2

E iye pagei isak ke osep ma tinapapra pelengon ke omur ka Ida Tapolngon plaue e ma tidue osep ka tipaia tipolou itau blang.

Jon 17:18

Eriar langka ampagei ngong ngame ngadong airavu ke osep taklak ina ngapagei isak kla tidong airavu ke osep taklak ina blang.

Jon 20:21

Deka Yesus wai ke isak blang langane. “Aitno lumu dong epen. Eriar langka Livou pagei ngong ngame ngapagei umu umala.”

Jon 4:20

Oglou limem seia tilotuim Ida Tapolngon ke gigri ane e umu osep Yuda ina umawai ma itolotuim Ida Tapolngon ke Jerusalem.”

Jon 4:5

E iye lila ke omur Samaria e polou ke armok Sikar ka dong olwo boto ke taklak ka Jekop kare ke otno arang Josep.

Jon 4:9

Deka apmang Samaria ina wai ke iye langane. “Wom gute Yuda ina e ngong apmang Samaria ina deka ina lange empmi ngong ma ngakar aki gesa ke wom?” Iye wai langane kesua osep Yuda ina e osep Samaria ina tidue wan kene pulu kovok.

Jon 7:35

Deka osep kaunsil ina tiwai pulu langane. “Gute ane waiki la ke omur ge ma itakaranga itapado iye kovok? Ma iye la ke udo osua ka tidong ke omur Grik e parere osep Grik ina?

Jon 8:48

Deka osep Yuda ina tonari tiwai ke Yesus langane. “Imawai wom gute Samaria ina e angelo soulu dong ke wom. Lange? Limem pelengon lokono koke aurou?”

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 10:45

Osep Yuda ina ka aitno lisak dagar ke Yesus ka time kap Pita tivati Ano Itau sep ke osep tonari aitno lisak deka tidigrik ine e tiwai langane. “Ida Tapolngon kar Ano Itau ke osep ane ka isak osep Yuda ina kovok blang.”

Aposel 8:1

Sol vati osep tidue burwa ke Stiven e aitno kene ine. Deka ke oklou tonari osep tidue agegeng pula polou ke Ida Tapolngon ila osep ka tidong ke Jerusalem. Deka isak keniye tidardar kla ke armok armok ka tidong ke omur Judia e omur Samaria. Isak keniye tisongon armok kla e osep aposel vala dau tidong ke Jerusalem.

1 Tesalonaika 2:16

E tiwaiki tidangdang imi alo ka imawaiki imanapapra omon itau ke osep ka isak osep Yuda ina kovok. E umeile omon tonari karanga lua isak ke urok elio epmes ina. Deka aling aling osep tonari tidue elio epmes ina deka urok elio epmes ina res polou omba lokono. E eknikane Ida Tapolngon aitno ila engil polou lisak e ma ngen isak.