Matyu 10:42 - Aria New Testament

⁴² E langka gute gesa kar aki epen ke lou disaipel ka ila wan isuk boto vala ma iye inim kesua batne iye didi ngong lokono ma iye due wan itau lokono.”

Matyu 10:42 ပူးပေါင်းရင်းမြစ်များ

Matyu 18:10

“Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.

Matyu 18:14

E langane blang ke Livou ka dong ke omur heven. Iye waiki ma agau kene imina kovok.”

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Luk 17:2

E langka osep tidue gute tonari e tipou opmu ka anit ke agune e tiuri iye ke misuon ma iye unim e mete are itau. E langka tidue elio ane dau elio ane karanga mole Ida Tapolngon aitno ila engil ke gute tonari kovok. Aurou. Ida Tapolngon aitno dau engil ke iye.

Luk 6:35

E umu lana umu ke upu oul e umodue elio itau e umakar lumu mani ke osep e aitno lumu mter ke ila kolingen kovok. Deka ma umodue lumu klingen ombatno e ma umodong Ida Tapolngon ka dong egim lokono titno umu. Kesua iye tona due mada ke osep ka aitno lisak itau kovok ke wan ka iye due e iye due mada ke osep ka soulu bitna.

2 Korin 8:12

Kesua langka gute waiki tuk mani la ke osep leklou Ida Tapolngon aitno itau ke iye. Langka gute karanga lua osep ke mani isuk boto vala kesua ila wan isuk boto Ida Tapolngon aitno itau ke iye. Kesua Ida Tapolngon aitno itau ke gute ka tuk ila mani ka dong ke iye e lua osep leklou ine.

Hibru 6:10

Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.