Matyu 10:4 - Aria New Testament

⁴ E Saimon silang ka iye gute ka tisir iye gute Selot ina. Osep Selot ina isak osep ka tiwaiki kantri silang plau isak kovok. E Judas Iskariot ka iye gute ka mase lai Yesus ina.

Matyu 10:4 ပူးပေါင်းရင်းမြစ်များ

Matyu 26:14

Deka gute kene ke Yesus ila disaipel songotno orwo angaine Judas Iskariot la ke osep loulou ina ka omba.

Matyu 26:15

E wai ke isak langane. “Ma umakar mani sesue ke ngong langka ngalai Yesus ina ke umu?” E tikar iye mani silva iseklu ine.

Matyu 26:2

“Umeile ma oklou orwo mela yagos deka itodue rogo omba ka lana ine la ke alo ka Ida Tapolngon lua osep Yuda ina tisongon omur Isip. E osep ma tikar Gute Ka Polou Langka Osep ke osep leklou ma tinilim iye ke ina akai.”

Matyu 26:47

Alo ka Yesus dau wai Judas ka iye gute kene ke disaipel songotno orwo me ke iye. E osep loulou ina ka omba e osep ngongle ke osep Yuda ina tipagei osep pula ka tikalke elil omba e akai kap iye.

Matyu 27:3

Alo ka Judas ka lai Yesus ina ile tiwaiki tidue burwa ke Yesus aitno soulu ine e iye la kar mani silva iseklu iding ke osep loulou ina ka omba e osep namormor.

Mak 14:10

Ari Yesus ila disaipel kene ke ila disaipel songotno orwo ka angaine Judas Iskariot la polou ke osep loulou ina ka omba e wai ke isak ma iye lai Yesus ina.

Mak 14:43

Yesus dau wai ke ila disaipel e lokono Judas ka iye kene ke ila disaipel songotno orwo kap osep leklou ka tikalke urok elil omba e evlei pula time tipolou. Osep leklou tonari isak osep ka osep loulou ina ka omba e osep ka tile itau ke Moses ila sogongon e osep namormor tipagei isak ma tikis Yesus dagar.

Luk 22:3

E Satan sep ke Judas ka tisir iye blang Iskariot aitno. Judas tonari iye gute kene ke Yesus ila disaipel songotno orwo.

Luk 22:47

Alo ka Yesus dau wai osep pula pula tipolou e Judas ka iye gute kene ke Yesus ila disaipel songotno orwo mgo ke isak. Iye me polou olwo boto ke Yesus ma iye ngen Yesus banga.

Jon 13:2

Ke epmes Yesus kap ila disaipel tingen inarak ngangon e ari Satan due Judas ka Saimon otno arang aitno kodong ma iye lai Yesus ina.

Jon 6:64

E dau umu leklou aitno lumu dagar ke ngong kovok.” Yesus wai langane kesua ke oglou lila me iye ile osep seisei ka aitno lisak dagar ke iye kovok e iye ile gute sei ka ma lai iye ina.

Jon 6:71

Yesus wai langane ke gute Judas ka Saimon Iskariot otno arang. Iye gute kene ke disaipel songotno orwo e dau mase iye lai Yesus ina.

Aposel 1:13

Osep aposel tipolou ke Jerusalem deka tidong ke ninu gesa ina eliang ka dong egim. Tidong ine deka tiwai itau ke Ida Tapolngon oklou aling aling kesua aitno lisak kene ke iye. Osep ka tidong ine angainsak langane. Pita e Jon e Jems e Andru e Filip e Tomas e Bartolomyu e Matyu e Alfius otno arang Jems e Saimon ka Selot ina deka Jems silang blang otno arang Judas. E Yesus tna Maria e ina saiver tigosok apmang leklou blang tidong kap osep tonari.