Matyu 10:33 - Aria New Testament

³³ E langka tiwai tile ngong kovok ke osep leklou io ma ngawai ke Livou ka dong ke omur heven tididi ngong kovok.”

Matyu 10:33 ပူးပေါင်းရင်းမြစ်များ

Mak 14:30

Deka Yesus koli Pita ila pele-ngon e wai langane. “Ngawai ke wom ke pelengon lokono ane. Eknikane ke epmes ma amwai emile ngong kovok aling eklu deka ma kwako bole wai aling orwo ina.”

Mak 14:72

Pita wai langane deka lokono kwako bole wai aling orwo ina. Pita klingen kwako bole wai deka lokono bitna sisir pelengon ka oglou Yesus wai ke iye. Alo ari Yesus wai ke Pita langane. “Eknikane ke epmes ma amwai emile ngong kovok aling eklu deka ma kwako bole wai aling orwo ina.” Deka Pita nogrum kngis omba ine.

Mak 8:38

Eknikane osep ka pula keniye ka tidong ke taklak ane tidong tidar Ida Tapolngon ila pelengon dagar e tipul dogur ke iye. Langka gute gesa mnak iye ke ngong e ke lou pelengon io mase ma ngong mnak ngong ke iye. Alo ka ngong ka Gute Ka Polou Langka Osep ngabauluk ke taklak blang kap Livou ila bublongon e ila ensel ka itau ma ngong mnak ngong ke gute tonari.”

Luk 12:9

E gute ka wai iye ile ngong kovok ke osep amtarsak ma ngawai ngaile iye kovok ke Ida Tapolngon ila ensel amtarsak.

Luk 22:57

E Pita koli wai ke iye langane. “Apmang ngaile gute tonari kovok.”

Luk 9:26

Langka gute mnak iye ke ngong koke lou pelengon ma ngong ka Gute Ka Polou Langka Osep mnak ngong ke iye alo ka ngaiding ngame ke lou bublongon e ke Livou ila bublonon kap ila ensel ka itau lokono.

2 Timoti 2:12

Langka itodong dagar ke elio ka opru ite mase ma itaplau osep kap Krais. E langka itopul dogur ke Krais mase ma iye pul dogur ke ite.

2 Pita 2:1

E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

1 Jon 2:23

Gute ka pul dogur ke Ida Tapolngon Otno Arang iye dong kap Pmada kovok. E gute ka aitno dagar ke Otno Arang iye dong kap Pmada blang.