Matyu 10:3 - Aria New Testament

³ E Filip e Bartolomyu e Tomas e Matyu ka oglou iye due takis ke osep. E Jems silang ka iye gute Alfius otno arang e Tadius.

Matyu 10:3 ပူးပေါင်းရင်းမြစ်များ

Matyu 18:17

E langka iye klingen lumu pelengon kovok deka umapalongo sios ine e langka iye dau klingen lumu pelengon kovok io ma iye dong ke umu langka gute ka ile Ida Tapolngon kovok koke gute ka due takis.”

Matyu 27:56

E apmang Maria ke armok Makdala e Maria ka Jems e Josep tna e Sebedi ila asap tidong kap isak.

Matyu 9:9

Yesus songon omur are e iye lila e vati gute ka due takis ka angaine Matyu dong ke omur ka osep tikli takis ine. E Yesus wai ke iye langane. “Omo emdidi ngong.” Deka Matyu tito e didi Yesus.

Mak 15:40

Ari apmang leklou tivri mawa boto e tivati elio ka polou ke Yesus. Apmang kene angaine Maria ka ila armok batne Makdala. Apmang silang blang angaine Maria ka gute Jems orwo ina e gute Joses tnarak. E apmang silang blang angaine Salome.

Mak 2:14

Iye parere isak deka iye la blang la lama iye polou ke ninu ka osep tikli urok takis ine. E iye vati gute Alfius otno arang Livai ka dong ke ninu tonari e due takis ke osep. Deka Yesus wai ke Livai langane. “Emtito e emdidi ngong.” Deka Livai tito e didi Yesus.

Mak 3:18

E Andru e Filip e Bartolomyu e Matyu e Tomas e Jems ka Alfius otno arang. E Tadius e Saimon ka iye gute Selot ina. E osep Selot ina tiwaiki kantri silang tiplau isak kovok.

Luk 18:10

“Osep orwo kla ke Ida Tapolngon ila ninu ma tiwai itau ke iye. Gute kene iye gute Farisi ina e gute silang iye gute ka due takis.

Luk 18:11

E gute Farisi ina wai ke aitno langane. ‘Ngau Tapolngon aitno lungong itau ke wom kesua ngong langka osep leklou kovok. Isak osep panakongon ina e tidue elio ka itau e osuk ke emtem kovok e isak osep ka tidue okwa. Koke isak langka gute are ka due takis.

Luk 18:13

E gute ka due takis dong mawa boto e waiki bitna tito ke omur heven kovok e iye mluk omun ine e wai langane. ‘Ngau Tapolngon aitno lugom due ngong kesua ngong gute epmes ina.’”

Luk 19:2

E umoklingen. Gute dong ke armok ka angaine Sakius ka iye gute mgongon ina kene ke osep ka tidue takis e ila mani pula.

Luk 5:27

Mase Yesus lila la e vati gute ka due takis ka angaine Livai dong ke omur ka osep tikli takis ine e wai ke iye langane. “Emdidi ngong.”

Jon 1:48

E Nataniel pmi iye langane. “Lange ka emile ngong?” E Yesus koli wai ke iye langane. “Alo ka omdong ka akai fik batne e Filip dau wai ke wom kovok ngavati wom kodong.”

Jon 11:16

Deka Tomas ka angaine silang Didimus wai ke disaipel leklou langane. “Ma itogosok iye itala blang ma itemete kap iye.”

Jon 14:22

Deka Judas ka Judas silang e Judas Iskariot kovok pmi Yesus langane. “Ina lange ma emnis wom malak ke imi vala e ke osep ka pula keniye kovok?”

Jon 14:5

Deka Tomas wai ke iye langane. “Ipem Puda imeile omur ka amla ine kovok e batne lange imakaranga imeile ekreng ka la are?”

Jon 14:9

Deka Yesus koli wai ke iye langane. “Filip ngadong kap umu tauni kodong e dau emile ngong kovok i? Gute ka vati ngong vati Livou blang. Deka ina lange amwai langane? ‘Emnis imi ke Abo.’

Jon 21:2

Saimon Pita dong kap Tomas ka angaine silang Didimus e Nataniel ka ila armok batne Kana ka dong ke omur Galili e Sebedi titno arang orwo e Yesus ila disaipel orwo silang.

Aposel 1:13

Osep aposel tipolou ke Jerusalem deka tidong ke ninu gesa ina eliang ka dong egim. Tidong ine deka tiwai itau ke Ida Tapolngon oklou aling aling kesua aitno lisak kene ke iye. Osep ka tidong ine angainsak langane. Pita e Jon e Jems e Andru e Filip e Tomas e Bartolomyu e Matyu e Alfius otno arang Jems e Saimon ka Selot ina deka Jems silang blang otno arang Judas. E Yesus tna Maria e ina saiver tigosok apmang leklou blang tidong kap osep tonari.

Aposel 12:17

Pita kamudu isak ma tiwai kovok deka palongo urok ke elio ka Ida Puda lua iye ma iye songon kalabus. Deka Pita wai langane. “Umapalongo Jems gosok sudo ke elio ane blang.” Iye wai yagos deka songon ninu e la dong ke omur silang.

Aposel 15:13

Tiwai yagos deka Jems wai langane. “Sipmi. Umoklingen lou pelengon.

Aposel 21:18

Oklou silang imogosok Pol imala imavati Jems. Ari osep ka tiplau Ida Tapolngon ila osep tidong kap Jems blang.

Galesia 1:19

Ke alo ari ngavati osep aposel gesa blang kovok. Ngavati Jems ka Ida Puda ina aiver vala.

Galesia 2:9

Osep ka pula keniye tivati Jems e Pita e Jon langka isak osep namormor ke sios. Deka osep tonari tile omur langka Ida Tapolngon makai ngong e kar bokongon ke ngong deka tisekan ke ngong kap Barnabas e tile omur imorwo imodue bokongon eriar langka tidue. E aitno limi kene pulu e aitno limi itau pulu e imalalo limem pelengon langane. Imorwo ma imodue bokongon ke osep ka isak osep Yuda ina kovok e isak ma tidue bokongon ke osep Yuda ina.

Jems 1:1

Ngong Jems ngong Ida Tapol-ngon e Ida Puda Yesus Krais urok gute bokongon ina. Ngasogo pas ane uti ke umu ka umodong ke osua songotno orwo ke osep Israel ina. Umu ka umadardar e umodong ke omur pula. Ngawai “oklou itau” ke umu.

Pas ka Jut sogoe 1:1

Ngong Jut e ngong Yesus Krais ila wokboi nating e ngong Jems ina aiver. Ngasogo pas ane uti ke umu ka Ida Tapolngon rere umu ila osep umu. Ngaile Ida Tapolngon ka Pmada lana iye ke umu e Yesus Krais plau umu itau.