Matyu 10:28 - Aria New Testament

²⁸ Umelim ke osep kovok. Tikaranga timter umu ma pampamu lumu timete e dau tikaranga timluk aitno lumu kovok. E umodue anit ke Ida Tapolngon kesua iye karanga due pogle ke osep pampamu lisak e aitno lisak ke omur hel.

Matyu 10:28 ပူးပေါင်းရင်းမြစ်များ

Matyu 10:26

“Umelim ke osep kovok. Kesua wan keniye ka oku ane kukwop e wan keniye ka iteile ine kovok mase ma tipolou malak.

Matyu 25:46

E Yesus babrum ila pelengon langane. “Osep tonari ma tidue ulesngen ka dong vala dong. E osep ka tidong itau e osuk ma tidue urok mosongon ka dong vala dong.”

Matyu 5:22

E eknikane ngawai ke umu langane. Langka gute aitno engil ke ila aten ma iye vri ke kot bitna. E langka gute wai pelengon soulu ke ila aten iye ma vri ke kaunsil bitna. E langka gute wai ke ila aten iye manga manga ma iye la ke omur hel ka eiou dong ine.

Jon 5:29

E ma tisongon inarak denga. Osep ka oglou tidue elio itau ma titito e tidue mosongon ka dong vala dong e osep ka oglou tidue elio soulu ma titito e Ida Tapolngon ma wade isak.”

Aposel 21:13

E Pol koli wai langane. “Ina lange umekngis ke ngong e umodue aitno lungong kro? Langka osep tiwaiki tipou ngong koke tidue burwa ke ngong ke Jerusalem batne ke Ida Puda Yesus ma tidue langane e ma ngadong vala.”

Hibru 10:31

Deka iteile omur langane. Osep ka Ida Tapolngon ka dong vala dong ules isak ma tinakarkar e tilim omba ke iye.

Hibru 11:35

Apmang leklou aitno lisak dagar ke Ida Tapolngon deka iye due urok osua ka timete kodong tipoga titito ke inarak denga. E osep soulu tidue osep leklou tisep ke kalabus e tidue agegeng ke pampamu lisak ma timete ine. E tiwai lisak langka tipul dogur ke Ida Tapolngon ma tisongon isak ke kalabus. E tipul dogur ke Ida Tapolngon kovok kesua tile langka timete deka Ida Tapolngon ma due isak tipoga titito e tidong blang. E urok mosongon ari ma dong itau lokono.

Jems 4:12

Ida Tapolngon kene vala due Moses ila sogongon polou e wade osep ine. E iye tona karanga lua osep koke due agegeng ke isak ke urok elio epmes ina. Deka ina lange umawade lumu saten?

1 Pita 3:14

E langka umodue elio itau vala e osep dau tidue elio soulu ke umu ine Ida Tapolngon ma kere umu itau. Umelim ke isak kovok e aitno lumu kro ine kovok.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”