Matyu 10:27 - Aria New Testament

²⁷ Pelengon keniye ka ngawai ke umu ke aivoro ma umawai ine ke oklou e umevri ke ninu tona e umapalongo osep ke pelengon ka ngawai epis epis ine ke umu.

Matyu 10:27 ပူးပေါင်းရင်းမြစ်များ

Matyu 24:17

E osep ka tidong ke ninu tona ma tiduru ke ninu ma tidue urok wan kovok.

Luk 12:3

Deka wan ka umawai ine ke epmes ma osep tiklingen ine ke oklou e wan ka umenekeskes ke ninu aitno ma osep tivri ke ninu tona e tipalongo ine.”

Luk 8:10

Deka Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka la ke omur heven ka Ida Tapolngon plaue. E ke osep leklou ngawai ke pelengon ano vala ma amtarsak vati wan bitna bitna e dau tivati itau kovok e talsak klingen e dau tile ine kovok.

Jon 16:1

“Ngawai pelengon langane ke umu ma umosongon aitno lumu ila dagar kovok.

Jon 16:13

E alo ka Ano Itau ka wai pelengon lokono me ma iye due aitno lumu ma umakaranga umeile pelengon lokono keniye. Iye karanga due langane kesua iye didi aitno e wai pelengon kovok. Aurou. Iye klingen Livou ila pelengon deka wai ke umu ine e ma palongo lumu ke wan ka mase ma polou.

Jon 16:25

“Ngawai pelengon ane ke umu ke pelengon ano e mase ma ngawai ke umu ke pelengon ano kovok. Ma ngapalongo lumu ke Livou ke pelengon malak vala.

Jon 16:29

Yesus wai langane deka ila disaipel tiwai ke iye langane. “Itau. Oku ane amwai pelengon malak e amwai ke pelengon ano kovok.

Aposel 17:17

E Pol la sep ke osep Yuda ina urok duningen ina ninu deka iye gosok osep Yuda ina e osep Grik ina ka tidue anit ke Ida Tapolngon tiwai pulu ke Ida Tapolngon ila pelengon. Ari ke oklou pula iye la polou ke omur ka osep tiduni pulu ine e iye gosok osep ka tidong ine tiwai pulu ke Ida Tapolngon ila pelengon.

Aposel 5:20

“Umala ke omur ka lelei Ida Tapolngon ila ninu e umanapapra osep pula pula ke pelengon keniye ke elio oku ina.”

Aposel 5:28

“Oglou imadangdang umu ma umanapapra osep ke Yesus kovok e eknikane talapmu klingen limem pelengon kovok. Umanapapra pula ine deka osep Jerusalem ina pula tiklingen ine. Ina lange umodue elio langane? Umawaiki osep pula aitno lisak mter gute tonari ina metengen batne dong ke imi? Aitno lumu langane i?”

2 Korin 3:12

Aitno limi dagar e imapara ke elio oku ina ka Ano Itau due polou deka imanapapra ine e imoulou tarna limi kovok.