Matyu 10:26 - Aria New Testament

²⁶ “Umelim ke osep kovok. Kesua wan keniye ka oku ane kukwop e wan keniye ka iteile ine kovok mase ma tipolou malak.

Matyu 10:26 ပူးပေါင်းရင်းမြစ်များ

Matyu 10:28

Umelim ke osep kovok. Tikaranga timter umu ma pampamu lumu timete e dau tikaranga timluk aitno lumu kovok. E umodue anit ke Ida Tapolngon kesua iye karanga due pogle ke osep pampamu lisak e aitno lisak ke omur hel.

Mak 4:22

Elio keniye ka osep tikukwope e elio keniye ka osep tibisi ine mase ma Ida Tapolngon due isak tipolou malak ke osep amtarsak.

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Luk 8:17

Kesua wan ka kukwop oku ane mase ma polou malak e wan ka osep tibisi ine oku ane mase ma osep tivati e tile ine.

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 4:13

Osep kaunsil ina tiklingen urok kolingen e aitno lisak mter tidue skul kovok. Deka tidigrik ine e tile omur isak orwo tiulou tarna lisak kovok. Deka aitno lisak mter oglou tidong kap Yesus.

Aposel 4:19

Pita orwo Jon tiklingen urok pelengon dagar deka tikoli tiwai langane. “Umu tona aitno lumu lange? Langka imosongon Ida Tapolngon ila pelengon e imedidi lumu pelengon are itau? Aurou. Ma itedidi Ida Tapolngon ila pelengon vala.

1 Korin 4:5

Kesua kot ina taim dau kovok e umawade gute silang ila elio kovok. Ma umapara ke alo ka Ida Puda ma me. Ma iye due wan ka dong kukwop ke aivoro dong malak lokono. Langka gute kukwop ila elio ma iye due polou malak blang. Ke alo ari ma Ida Tapolngon wai ke ite kente kente langka udo bokongon itau koke soulu.

1 Pita 3:14

E langka umodue elio itau vala e osep dau tidue elio soulu ke umu ine Ida Tapolngon ma kere umu itau. Umelim ke isak kovok e aitno lumu kro ine kovok.