Matyu 10:22 - Aria New Testament

²² E ma osep aitno lisak engil lokono ke umu batne aitno lumu dagar ke ngong. E langka aitno lumu dagar la lama wan ka pula keniye yagos ma Ida Tapolngon lua umu.

Matyu 10:22 ပူးပေါင်းရင်းမြစ်များ

Matyu 10:39

E langka tiwaiki urok mosongon dong ke taklak ane ma urok mosongon imina la. E langka tikar urok mosongon ke ngong ma tipado urok mosongon ka lokono.”

Matyu 24:13

E gute gesa ka aitno dong dagar la lama wan yagos ma Ida Tapolngon lua iye.

Matyu 24:9

“Alo ari osep ma tidue umu umevri ke kot bitna deka tiules umu e tidue burwa ke umu. E ma osep ka pula keniye aitno lisak soulu lokono ke umu batne ke ngong.

Matyu 5:11

“Alo ka osep tiwai soulu ke umu e tiwai pelengon soulu ka yakngan ke umu e tidue agegeng ke umu kesua umu lou osep aitno lumu itau itau.

Mak 13:13

Ma osep pula aitno lisak engil lokono ke umu batne umedidi ngong. E osep ka tidong dagar ke ngong vala lama agegeng tonari polou ke isak io alo ka agegeng tonari polou yagos ma Ida Tapolngon lua isak.”

Luk 21:17

Ma osep ka pula keniye aitno lisak soulu lokono ke umu kesua umedidi ngong.

Luk 21:19

E langka umodong dagar ke aitno lumu ila dagar ma umodue lumu mosongon ka dong vala dong.”

Luk 6:22

Umu ka osep aitno lisak soulu lokono ke umu e tipli umu e tiwai soulu ke umu e aitno lisak mter angainmu wan ka soulu kesua umedidi Gute Ka Polou Langka Osep aitno lumu itau itau ine.

Luk 8:15

E londo ka tiduru timunu ke taklak itau isak langka osep ka tiklingen omon itau e tikise dagar. E aitno lisak mter osuk e itau e tivri dagar e anino itau.”

Jon 17:14

“Ngakar lem pelengon ke isak e ke batne langane osep taklak ina aitno lisak engil e amnga ke isak. Aitno lisak engil e amnga ke isak kesua isak langka osep taklak ina kovok eriar langka ngong langka osep taklak ina kovok.

Jon 7:7

Osep taklak ina aitno lisak engil ke umu kovok e aitno lisak engil ke ngong kesua ngawai malak ke isak ke urok elio soulu ka tidue.

Aposel 9:16

Ma nganis iye ke elio soulu pula ka mase iye ma namani kesua batne iye due lou bokongon.”

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

2 Korin 4:11

Aling aling imodong e osep tiwaiki timluk imi ma imemete batne aitno limi dagar ke Yesus. Imawaiki ma osep tivati Yesus ke pampamu limi.

Galesia 6:9

Deka ite ma itodue elio itau e tarna lite meingen ine kovok. Langka itoboko engil deka alo ka ngangon anino ma itodue ngangon itau lokono.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

Hibru 6:11

Imawaiki umu kenmu kenmu umodue elio itau langane. Imawaiki umodue Ida Tapolngon ila bokongon itau e umapara ke wan ka itau ka mase ma polou.

Jems 1:12

Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.

1 Jon 3:13

Sipmi. Langka osep ka taklak ina aitno lisak soulu e engil ke umu deka umedigrik ine kovok.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 2:17

“Deka gute ka tala ma iye klingen pelengon ka Ano Itau wai ine ke sios. Gute ka mole elio soulu ma ngakar iye ngangon mana ka dong kukwop. E silang ma ngakar iye opmu ka okou ka ngasogo angaine oku ina ine. E gute silang karanga ile angaine tonari kovok. Gute ka due opmu vala ile ine.”

Pelengon kukwopngon 2:26

“Gute ka mole elio soulu e didi lou elio keniye la lama wan ka pula keniye isak yagos ma ngakar iye arit ma iye mgo e plau osep ka tidong ke taklak.

Pelengon kukwopngon 2:3

Alo ka osep tidue agegeng ke umu kodong batne aitno lumu dagar ke ngong io ngaile umevri dagar ine. E tarna lumu meingen ine kovok.’”

Pelengon kukwopngon 2:7

“Deka gute ka tala ma iye klingen pelengon tonari ka Ano Itau wai ine ke sios. Gute ka mole elio soulu ma iye karanga due ngangon ke akai ka kar ite udo mosongon ka dong vala dong. Akai tonari dong ke Ida Tapolngon ila yage ka dong ke omur heven.”

Pelengon kukwopngon 3:21

“Ma ngasongon gute ka mole elio soulu ma iye dong kap ngong ke lou kova langka oglou ngamole elio soulu e ngadong kap livou ke ila kova.